SSP Rutikara yongewe muri Komite nyobozi y'Ishyirahamwe rya Karate mu Rwanda

Senior Supertendant of Police (SSP) Rutikara Claudian, yongewe muri Komite nyobozi y’Ishyirahamwe ry’umukino wa Karate mu Rwanda (FERWAKA).

Ni umwe muri batatu (3) bagize komite ngenzuzi y’Ishyirahamwe ry’umukino wa Karate.

Abandi ni “Ingabire Christine” ukinira Ikipe ya Samourai ndetse na “Mutuyimana Providence” ukinira Ikipe ya Zen Karate Do.

Uretse abashinzwe komite ngenzuzi, hatowe kandi umwanya w’umuyobozi wungirije y’Ishyirahamwe ry’umukino wa Karate.

Kuri uyu mwanya, hatowe Mukahigiro Catherine w’Ikipe ya Kamikaze Karate Do.

Rutikara usanzwe ubarizwa mu Ikipe ya Polisi y’Igihugu y’umukino wa Karate (Police Karate Club), yongeye muri iyi komite mu matora yakorewe mu nteko rusange y’Ishyirahamwe ry’umukino wa Karate tariki ya 25 Mutarama (1) 2026.

Mbere yo gukinira Ikipe ya Police, Rutikara yanyuze mu makipe arimo iy’icyahoze ari Kaminuza ya KIST, Hantai Shiai ndetse na JKA Rwanda Samouraï Karate-Do.

Iyi nteko rusange yari igamije kuzuza imyanya itari yuzuye muri komite nyobozi, nk’uko biteganywa n’itegeko rishya ry’urwego rw’Igihugu rushinzwe imiyoborere (RGB), rigenga imiryango itari iya Leta.

Umukino njyarugamba wa Karate watangiwe gukinwa mu Rwanda mu myaka ya 1980.

Nyuma ya Jenoside yakorewe Abatutsi mu 1994, wongeye kubakwa buhoro buhoro, ushyirwamo imbaraga nyinshi n’abatoza n’abakinnyi bawukundaga.

Amafoto

SSP Rutikara uwa mbere i bumoso, ni umwe mu bogewe muri Komite nyobozi ya FERWAKA

SSP Rutikara uwa kabiri uvuye buryo, ni umwe mu bakinnyi b'inkingi za mwamba muri Police Karate Club.