Gery Celia yegukanye Shampiyona y'Isi muri U – 23, Abanyarwandakazi bananirwa gusoza Irushanwa

Umufaransakazi, Gery Celia, w'Imyaka 19 gusa y'amavuko, yegukanye Shampiyona y'Isi mu kiciro cy'abatarengeje Imyaka 23 mu gusiganwa mu Muhanda.

Iyi Shampiyona yari yitabiriwe n'abakinnyi 89 barimo n'Abanyarwandakazi 4, bari bagizwe na: IRAGENA Charlotte, MWAMIKAZI Jazilla, NTAKIRUTIMANA Martha na NYIRARUKUNDO Claudette.

Gery Celia yayegukanye nyuma yo gukoresha Amasaha 3, Iminota 24 n’Amasegonda 26, ku ntera ya Kilometero 119 na Mtero 300.

Yakurikiwe n'Umunyasirovakiyakazi, CHLADOŇOVA Viktoria, wasizwe Amasegonda 2 gusa.

Umwanya wa gatatu wegukanywe n'Umunya-Esipanyekazi, BLASI CAIROL Paula, wasizwe Amasegonda 12.

Ku ruhande rw'Abanyarwandakazi, ntabwo byagenze neza, kuko 28 bananiwe gusoza iyi ntera.

Ubusanzwe, mu gusiganwa mu Muhanda, bitewe n'uko abakinnyi baba bari kuzenguruka inzira banyuramo, iyo umukinnyi afatiwe mu nzira n'umukinnyi uri imbere cyangwa igikundi kiyoboye isiganwa ahita arikurwamo.

Amafoto