Amafoto: French Montana yabwiwe 'Yego' n'Igikomangomakazi cyo kuri Leta zunze ubumwe z'Abarabu

Karim Kharbouch uzwi ku mazina y'Ubuhanzi ya French Montana, yemerewe n'Igikomangomakazi cyo muri Leta zunze ubumwe z'Abarabu, Princess Sheikha Mahra, kumubera Umugore.

Montana w'Imyaka 41, ni Umunya-Maroke ufite ubwenegihugu bwa Leta zunze ubumwe z'Amerika.

Amafoto yagiye hanze kuri uyu wa 27 Kanama [8] 2025, ahamya ko Montana na Mahra bemeranyijwe umubano mu birori bizwi nka Paris Fashion Week byabereye mu Bufaransa mu Kwezi kwa Kamena [6] uyu Mwaka.

N'ubwo kumenya amakuru ajyanye n'Umutungo w'abo mu Muryango w'Ubwami bwa Leta zunze ubumwe z'Abarabu bigoye, bivugwa ko Princess Sheikha Mahra afite Umutungo ubarirwa muri Miliyaridi 18 z'Amadorali y'Amerika.

Montana n'umwe mu Bahanzi b'Injyana ya Rap, by'umwihariko baririmba mu rurimi rw'Igifaransa n'ubwo n'Icyongereza akivuga adategwa.

Zimwe mu Ndirimbo ze zikunzwe n'abatari bacye by'umwihariko mu Rwanda, harimo; Unforgettable, Pop That, All the Way Up na No Stylist.

Ubuhangange bwe bugaragarira kandi mu gukorana Indirimbo n'Abahanzi b'Ibyamamare muri USA nka;  Drake, Swae Lee na Rick Ross.

Sheikha Mahra, ubusanzwe yitwa Sheikha Mahra bint Mohammed bin Rashid Al Maktoum.

Ni Umukobwa w'Umuyobozi w'Umwami wa Leta zunze ubumwe z'Abarabu ufatanya uyu mwanya no kuba Minisitiri w'Intebe, Sheikh Mohammed bin Rashid Al Maktoum.

Amafoto