Abagore: Reusser Marlen yahize abandi mu gusiganwa n'igihe, Umunyarwandakazi aba uwa 27

Umusuwisikazi REUSSER Marlen yegukanye Shampiyona y’Isi iri gukinirwa i Kigali mu bakinnyi b’Abagore mu gusiganwa n’Isaha, ibizwi nka Individual Time Trial [ITT] mu Ndimi z’Amahanga.

Uyu Musuwisikazi w’Imyaka 34 y’amavuko usanzwe ukinira Movistar Team, yahize abanda akoreheje iminota 43, amasegonda 9 n’iby’Ijana 34.

Yakurikiwe n’Abaholandikazi van der BREGGEN Anna na VOLLERING Demi.

Anna yakoresheje iminota 44, Imasegonda n’iby’Ijana 23, mu gihe Demi wabaye uwa gatatu, yakoresheje iminota 44, amasegonda 14 n’iby’Ijana 07.

Mu Banyarwandakazi babiri bakinnye iyi Shampiyona, NIRERE Xaveline yasoreje ku mwanya wa 27 akoresheje 50’07’’67’’’.

Mu gihe INGABIRE Diane yabaye uwa 35 akoresheje 52’57’’79’’’.

Nirere yasizwe 6’58’’33’’’na Marlen wabaye uwa mbere, mu gihe Ingabire yasizwe 9’48’’45’’’.

Umunya – Qatar, AL-KUWARI Kholoud niwe waherekeje abandi n’umwanya wa 44, akoresheje 1h24’16’’08’’’. Yasinzwe 41’06’’74’’’ na Marlen wegukanye iyi Shampiyona.

Iyi Shampiyona yatangiriye muri BK Arena, abakinnyi basiganwa ku ntera ya Kilometero 31 na Metero 200.

Nyuma yo guhaguruka muri BK Arena, berekeje Kimironko (Simba Supermarket) - Rwahama - Chez Lando - Prince House - Sonatube - Nyanza - Gahanga ku Isoko - Kugaruka Sonatube - Rwandex - Kanogo - Mediheal - Women Foundation Ministries (Kwa Mignone) - Ku Muvunyi basoreza kuri KCC.

Ni ku nshuro ya 98 iyi Shampiyona ikinwe, n'iya 1 muri Afurika no mu Rwanda muri rusange.

N'ubwo ari ku nshuro ya 98 ikinwe, mu bagore n'iya 77 mu kiciro cy'abagore.

Amafoto