Rayon Sports yatsinzwe na Etincelles mu mikino yo kwitegura Shampiyona

Ikipe ya Rayon Sports yatsinzwe na Etincelles mu mukino wo kwitegura Shampiyona wakinwe kuri uyu wa Gatandatu.

Uyu mukino wakiniwe mu Karere ka Rubavu mu Ntara y'i Burengerazuba, warangiye Etincelles iwutsinze ku ntsinzi y'igitego 1-0.

Iki gitego rukumbi cyabonetse muri uyu mukino, cyatsinzwe na myugariro wa Etincelles, Ndonga Bivula Gedeon, ku munota wa 41 w'umukino.

Ndonga Bivula Gedeon yacunze uko abakinnyi ba Rayon Sports bari bahagaze ku rukuta, azurenza umupira, wagiye mu izamu nta we unyeganyeze.

Kufura [Coup Franc] yavuyemo iki gitego, yavuye ku ikosa Aimable Ntarindwa yakoreye Niyonkuru Sadjati.

Uyu mukino wahuje impande zombi, uri mu yo Rayon Sports imaze iminsi ikina, mu rwego rwo kwitegura Umwaka mushya w'imikino.

Uyu Mwaka, uzabimburirwa n'umukino uzayihuza n'Ikipe ya Young Africans SC yo muri Tanzaniya, tariki ya 15 Kanama [8] 2025, ku munsi wiswe uw'Igikundiro.

Umukino uzahuza aya makipe yombi, uzakinirwa kuri Sitade Amahoro i Remera, mu Mujyi wa Kigali.

Intsinzi yo mu mukino wa Etincelles, niyo ya mbere Rayon Sports yari ihuye na yo, nyuma y'uko yari imaze iminsi iyogoza andi makipe.

Amakipe yatsinze, arimo Nyanza FC ndetse na Gorilla FC yatsindiye i Ngoma, igitego 1-0.

Rayon Sports yagiye gukina uyu mukino, imaze kumenya ko izahura na Singida Big Stars yo muri Tanzaniya, mu mikino y'ijonjora ry'ibanze rya CAF Confederation Cup.

Amafoto