Bangladesh: Minisitiri w'Intebe yakatiwe igihano cy'Urupfu
Urukiko mpuzamahanga mpanabyaha rw'Igihugu cya Bangladesh, rwakatiye igihano cy'Urupfu Sheikh Hasina wigeze kuba Minisitiri w'intebe.
Hasina yashinjwe uruhare mu byaha byibasiye inyokomuntu ndetse n'akaboko mu mbaraga z'umurengera zakoreshejwe mu guhosha imyigaragambyo yakorwagana n'abanyeshuri mu mwaka ushize, igahitana benshi muri bo.
Ku myaka 78, Hasina yakatiwe adahari, kuko yahungiye mu Buhinde mu ntangiriro z'uyu mwaka.
Imyigaragambyo ashinjwa kugiramo uruhare, yahitanye ababarira mu 1400.
Mu mwaka ushize, iyi myigaragambyo yashyize akadomo ku myaka 15 y'ubuyobozi bwe, bwafashwe n'abatari bacye nk'ubwibasiraga uburenganzira bwa muntu.
Nyuma y'uyu mwanzuro w'Urukino, Awami League party, Ishyaka rya Hasina ryamaze no guhagarikwa mu gihugu, ryavuze ko iki cyemezo gishingiye kuri Politike ndetse rinasaba abayoboke baryo kwigaragambiriza iki cyemezo.
Ubusabe bwa Awami League party, bwongeye kuzamura impungenge mu gihugu, ko gishobora kongera kurangwa n'akavuyo.
Muri uru rubanza kandi, uretse Hasina, Asaduzzaman Khan Kamal wai Minisitiri w'Ubutegetsi bw'Igihugu ku ngoma ya Hasina, nawe yakatiwe igihano cy'urupfu. Urukiko rwamushinje ibyaha bimwe nk'ibya Hasina.
Imyigaragambyo yabaye imbarutso yo guhirika Ingoma ya Hasina, yafashwe nk'iya mbere yamennye Amaraso muri Bangladesh kurusha iyindi, kuva mu 1971 ubwo hakorwaga Intambara yo gushaka ubwigenge.
Inzobere z'Umuryango w'Abibumbye (UN/ONU), zavuze ko hagati ya tariki ya 15 Nyakanga (7) 2025 n'iya 05 Kanama (8) 2025, hapfuye abantu barenga 1400.
Mu gihe Awami League party ya Hasina ishinja ubuyobozi bw'inzibacyuho kugira akaboko muri uru rubanza, Muhammad Yunus ubuvugira, yateye utwatsi iby'ibi birego.
Muhammad wanegukanye Igihembo cy'Amahoro cya Nobel, yavuze ko Ubucamanza bwigenga ndetse urubanza rwabaye mu mucyo.
Hasina yabaye Minisitiri w'Intebe w'Igihugu cya Bangladesh inshuro ebyiri (1996-2001 na 2009-2024).
What's Your Reaction?
Like
0
Dislike
0
Love
0
Funny
1
Angry
0
Sad
0
Wow
0
