Amavubi yigiye imbere imyanya 3 ku rutonde ngarukakwezi rwa FIFA

Ikipe y'Igihugu y'Umupira w'Amaguru y'u Rwanda, Amavubi, yigiye imbere imyanya 3 k'urutonde rwashyizwe hanze n'Impuzashyirahamwe y'Umupira w'Amaguru ku Isi, FIFA.

Uru rutonde rwatangajwe kuri uyu wa 10 Nyakanga [7] 2025, rugaragaza ko Amavubi yagiye ku mwanya w'i 127 avuye k'uw'i 130.

N'ubwo yicumye ku rutonde rw'Isi, muri Afurika ntacyahindutse, kuko yagumye ku mwanya wa 37 yari ariho muri Kamena [6] 2025.

Amavubi yazamutse kuri uru rutonde, mu gihe nyamara yatsinzwe imikino 2 ya gictuti yakinnye n'Ikipe y'Igihugu ya Algeria mu Kwezi gushize.

Impamvu yazamuye Amavubi n'ubwo yatsinzwe, n'uko amwe mu makipenayo yatsinzwe, mu gihe andi atakinnye umukino n'umwe.

Kuzamuka kw'Amavubi, kwatumye agira amanota 1127.36 ku rutonde rusange.

Ku rwego rw'Isi, uru rutonde ruyobowe n'Ikipe y'Igihugu ya Argentine, ikurikiwe n'iya Esipanye, mu gihe Ubufaransa ari ubwa gatatu.

Mu bihugu bitanu bya mbere kandi, k'umwanya wa kane hari Ubwongereza, mu gihe Brazil ari iya gatanu.

Ku Mugabane w'Afurika, Maroke niyo iza k'umwanya wa mbere, n'uwa 11 ku Isi.

Ikurikiwe na Senegal ya 19 ku Isi, Misiri iza k'umwanya wa gatatu n'uwa 34 ku Isi, mu gihe Algeria ari iya kane n'iya 36 ku Isi, naho Nigeria ikaza k'umwanya wa gatanu n'uwa 44 ku Isi.

Mu bihugu bibarizwa muri Karere ka CECAFA, Uganda niyo iza ku mwanya wa hafi, uwa 19 muri Afurika n'uwa 88 ku Isi.

Ikurikiwe na: Tanzania, Kenya, Sudani n'u Rwanda, mu kwitwara neza mu bihugu bigize CECAFA.