Uganda: Binubiye gukora Amatora ya Perezida Interineti yakuweho

Abaturage bo mu gihugu cya Uganda, batangaje ko batashimishijwe no kwitabira amatora ya Perezida wa Repubulika, mu gihe Interineti yakuweho.

Aya matora yakozwe kuri uyu wa Kane tariki ya 15 Mutarama (1) 2026, ahanganishije Museveni umaze Imyaka 40 ayobora Uganda ndetse na Bobi Wine n’ubundi wamukurikiye mu matora aheruka. 

Ikusanyabitekerezo ryakozwe mbere gato y’uko amatora aba ryaragazaga ko Museveni azagira amajwi nibura agera kuri 60%, mu gihe Bobi Wine yagira hafi 30% abandi bakandida bakagabana asigaye.

Abakandida 8 bose bahataniye umwanya w’Umukuru w’Igihugu ni abagabo, nta mugore urimo.

Uretse Museveni na Bobi Wine abandi ni; Frank Bulira, Robert Kasibante, Joseph Mabirizi, Nathan Nandala Mafabi, Mugisha Gregory Muntu na Mubarak Sserunga Munyagwa.

Mbere y’uko aya matora akorwa, Komisiyo ishinzwe itumanaho muri Uganda, yari yafashe umwanzuro wo gukuraho internet mu kwirinda ko hazakwirakwizwa amakuru apfuye bikaba byahembera imvururu nk’uko byagenze mu matora aherutse.

Gusa ntibyabujije abaturage gukoresha ikoranabuhanga bifashishije imbuga za internet zinyuranye, zirenga ikoranabuhanga risanzwe.

Rumwe mu mbuga Abanya-Uganda bakoresheje mu gushaka kumenyekanisha ibijyanye n’amatora ni Bitchat.

Bitchat ni urubuga rwa Interineti rutazwi cyane, rwashinzwe na Jack Dorsey watangije Twitter mbere y’uko ayigurisha na Elon Musk akayihindura X. 

Ni rumwe mu mbuga zamanuwe cyane muri Uganda muri iyi minsi y’amatora yaba kuri Playstore no kuri App Store.

Umwaka ushize, Dorsey yavuze ko akwiriye kuryozwa ko ibintu byose bisigaye bikorwa hiringiwe internet, ari nayo mpamvu muri muri Nyakanga yahisemo gufungura Bitchat itayikenera nyuma y’icyumweru ayubaka.

Bitandukanye na Twitter (X) Bitchat ntisaba gukoresha internet. Ikoresha Bluetooth kugira ngo abantu bahanahane amakuru.

Bitaganyijwe ko ibyavuye mu Matora bizatangazwa tariki ya 18 Mutarama (1) 2026, bivuze ko ari nyuma y'iminsi 2 amatora akozwe.

Amafoto