Abanyamakuru bashinjwa uruhare mu gukoresha Umutungo wa MINADEF bemerewe kuburana badafunze

Abanyamakuru bashinjwa kugira uruhare mu gukoresha nabi Umutungo wa Minisiteri y'Ingabo z'u Rwanda [MINADEF], bemerewe kuburana badafunze.

Umwanzuro ubemerera kuburana badafunzwe, watangajwe n'Urukiko rwa Gisirikare kuri uyu wa 26 Kanama [8] 2025.

Ni umwanzuro wasomewe mu Rukiko rwa Gisirikare i Nyamirambo mu Mujyi wa Kigali.

Aba Banyamakuru ni; Ndayishimiye Reagan uzwi nka Rugavu, Ishimwe Ricard na Biganiro Mucyo wahoze muri uyu Mwuga.

Uretse aba Banyamakuru, abandi barekuwe barimo; CSP Sengabo Hilary na CSP Olive, Karisa Georgine na Mugisha Frank.

Rutangaza imyanzuro ku ifungwa n’ifungurwa ry’agateganyo, urukiko rwa Gisirikare rwavuze ko rwasanze nta mpamvu zikomeye zatuma bakomeza gufungwa.

Abarekuwe bose hamwe kuri uyu wa Kabiri, ni abantu 23 muri 28 bari gukurikiranwa muri uru Rubanza.

N'ubwo hari abarekuwe by'agateganyo, Abasirikare batatu baregwa muri uru rubanza, basabiwe gukomeza gufungwa by’agateganyo iminsi 30.

Twibibutse ko muri uru rubanza, Abasivili n’aba Ofosiye b’Urwego rw’Igihugu rushinzwe Igorora [RCS], bakurikiranweho Ibyaha byo kwakira no gutanga inyandiko utemerewe n’ubufatanya mu gukoresha umutungo wa Leta icyo utagenewe gukora.

Amafoto