Leta ya Somaliland yafunguye Ambasade i Yeruzalemu

Somaliland yafunguye Ambasade i Yeruzalemu, amezi atandatu nyuma y’uko Isiraheli ibaye igihugu cya mbere kiyemeye nk’igihugu cyigenga.

Ifungurwa ry’iyi Ambasade mu gace kiganjemo ibikorwa by’ikoranabuhanga ko muri Yeruzalemu y’u Burengerazuba, ryabaye mu gihe Perezida wa Somaliland Abdirahman Mohamed Abdullahi ari mu ruzinduko rw’akazi muri Isiraheli.

Ashimira iki gihugu kitandukanyije na Somalia, Minisitiri w’intebe wa Isiraheli, Benjamin Netanyahu yavuze ko ‘Ibihugu impande zombi zifitanye umubano ntamakemwa’.

N’ubwo yavuze ibi, Somalia, ifata Somaliland nk’ubutaka bwayo.

Ivuga ko iyifata nk’ubutegetsi bw’akarere ka Amajyaruguru ya Somalia bwigumuye, bityo Isiraheli ikomeje kuyitera ingabo mu bitugu mu guhonyora ubusugire bwayo.

Kwemerwa na Israel kwa Somaliland, kwabaye mu Kwezi k’Ukuboza (12) kw’umwaka ushize, kwateje impaka.

Imiryango mpuzamahanga n’Ibihugu bibarirwa muri za mirongo birimo ‘Ubushinwa, Turukiya, Arabie Saoudite’ ndetse n’umuryango w’Ubumwe bwa Afurika byanenze uko kwemerwa nka Leta yigenga.