Kigali Pelé Stadium yakuwe ku rutonde rw'izemewe na CAF

Sitade yitiriwe Pelé iherereye i Nyamirambo mu Mujyi wa Kigali, yakuwe ku rutonde rw'izemewe kwakira amashunwa ya CAF Champions League na CAF Conferation Cup.

Muri uyu wa Mwaka w'i 2025-26, amakipe ya APR FC na Rayon Sports, niyo rukumbi azahagararira u Rwanda muri iyi mikino itegurwa n'Impuzamashyirahamwe y'umupira w'amaguru muri Afurika.

Nyuma yo gukurwa ku rutonde rwa Sitade zujuje ibisabwa, bivuze ko mu Rwanda, Sitade Amahoro iriyo yonyine yemerewe kwakira iyi mikino.

Sitade yitiriwe Pelé yongeye gukurwa ku rutonde rw'izitujuje ibisabwa, nyuma y'uko yaherukaga kurukurwaho mu 2021, ariko ikaza kurusubizwaho mu 2023.

Mu 2023, u Rwanda rwakiriye inama y'Impuzamashyirahamwe ya ruhago ku Isi, FIFA, iyi nama isiga iyi Sitade ivuguruwe, ndetse ihita initirirwa igihangange cyo mu gihugu cya Brazil, Edson Arantes do Nascimento uzwi nka Pelé.

Umuhango wo kuyitaha ku mugaragaro, wakozwe tariki tariki ya 15 Werurwe [3] 2025, uyuborwa na Perezida wa Repubulika y'u Rwanda, Paul Kagame afatanyije n'umuyobozi wa FIFA, Gianni Infantino.

Amakuru THEUPDATE ikesha IGIHE, avuga ko CAF yamenyesheje Ishyirahamwe rya ruhago mu Rwanda, FERWAFA, ko Kigali Pelé Stadium yashyizwe mu kiciro cya mbere cya za Sitade, ibihita biyibuza kwakira imikino y'amarushanwa ya CAF Champions League na Confederation Cup.

Sitade ziri muri iki kiciro, ziba zemerewe kwakira mikino y’abagore, amarushanwa y’abato n'ayo gushaka itike ya CAN mu byiciro by’ingimbi.