Umunyarwanda “Hakizimana John” yakoze amateka yo kwegukana Umudari wa Bronze muri Dubai Marathon

Umukinnyi mpuzamahanga w'Umunyarwanda mu mikino ngororamubiri yo gusiganwa ku maguru, Hakizimana John, yakoze amateka yo kwegukana Umudari wa Bronze (Umuringa) muri Marato ya Dubai (Dubai Marathon).

Iyi Marato ikinirwa mu Leta zunze ubumwe za Abarabu (UAE) mu Burasirazuba bwo hagati, yakinwaga ku nshuro ya 25.

Hakizimana niwe washoboye kumenera mu Banya-Ethiopia bihariye iyi Marato, kuko begukanye imyanya 9 mu bagabo n'imyaka 10 mu bagore.

Muri iyi Marato yakinwe tariki ya 01 Gashyantare (2) 2026, Hakizimana yakoresheje Amasaha 2, Iminota 6 n'Amasegonda 4.

Yasizwe Iminota 2 n'Amasegonda na Nibret Melak wayegukanye, mu gihe umwanya wa kabiri wegukanwe na Yasini Haji wasizwe Umunota n'Amasegonda 52.

Mu kiciro cy'abagore, Anchinalu Dessie niwe wegukanye iyi Marato, akoresheje Amasaha 2, Iminota 18 n'Amasegonda 31.

Uretse intera ya Marato ihanye na Kilometero 42 (42km), hakinwe kandi Kilometero 10 (10km) na Kilometero 4 (4km).

Muri rusange, Dubai Marathon yitabiriwe n'abakinnyi bakabaka Ibihumbi Macumyabiri (20,000), barimo Ibihumbi bine (4,000) basiganwe Intera ya Marato.

Photos

John Hakizimana yegukanye Umwanya wa Gatatu muri Dubai Marathon.