Tanzaniya yatsinze Madagascar ikatisha itike ya ¼ muri CHAN 2025

Ikipe y'Igihugu ya Tanzaniya, Taifa Stars, yabonye itike yo gukina imikino ya kimwe cya kane cya CHAN 2025, nyuma yo gutsinda iya Madagascar, ibitego 2-1, mu mukino waraye ukiniwe kuri Benjamin Mkapa Stadium mu Mujyi wa Dar es Salaam.

Nyuma yo gutsinda Madagascar, Tanzaniya yabaye Igihugu cya mbere kibonye itike ya kimwe cya kane, ibikesha gutsinda imikino ibiri yo mu itsinda rya kabiri, ikanganya umwe.

Muri uyu mukino, ku munota wa 13 gusa, Clement Mzize yari amaze kunyeganyeza inshundura za Madagascar, mbere yo gutsindira Igihugu cye igitego cya kabiri ku munota wa 20.

Mbere y'uko amakipe yombi ajya kuruhuka, Mika Razafimahatana yatsindiye Madagascar igitego cyayikuye mu isoni, ku munota wa 34.

Intsinzi yakuye kuri Madagascar, yabaye iy'amateka kuri Tanzaniya, kuko ari ku nshuro ya mbere yari ibonye itike yo gukina imikino ya kimwe cya CHAN, kuva yatangira kwitabira iyi mikino mu 2009.

Ni amateka y'impurirane, kuko yari n'inshuro ya mbere, idatsinzwe mu mikino itatu yikurikiranya muri CHAN.

Muri iri tsinda, Tanzaniya yaherekejwe na Mauritania, nyuma yo gutsinda Repubulika ya Santrafurika, igitego 1-0 cyatsinzwe na Ahmed El Moctar ku munota wa 09 w'umukino.