Richard Ndayishimiye wa Rayon Sports yagiye gukora igeragezwa muri Uzbekistan

Umukinnyi w'Ikipe ya Rayon Sports n'Ikipe y'Igihugu y'u Burundi, Richard Ndayishimiye, yahagurutse i Kigali kuri uyu wa Mbere tariki ya 19 Mutarama (1) 2026, yerekeza mu gihugu cya Uzbekistan mu igeragezwa.

Uyu mukinnyi wavukiye mu Mujyi wa Bukavu ho muri Repubulika ya Demokarasi ya Congo tariki ya 01 Mutarama (1) 2004, yashimwe n'Ikipe ya PFC Navbahor Namangan.

Biteganyijwe ko azamara iminsi 10 muri iri geragezwa, mu gihe yashimwa, agahita asinya amasezerano nk'umukinnyi mushya wa PFC Navbahor Namangan.

Mu gihe asigaje amasezerano y'Amezi 6 muri Rayon Sports, bikekwa ko aramutse ashimwe na PFC Navbahor Namangan, ashobora kugurwa Ibihumbi 50 by'Amadorali y'Amerika, aya akaba akabakaba Miliyoni 70 z'Amafaranga y'u Rwanda.

Muri iki gihe cy'iminsi 10 y'igeragezwa, arasiba umukino Rayon Sports icakiranamo na Al Merrikh kuri uyu wa Gatatu tariki ya 21 Mutarama (1) 2026, mu mukino ukinirwa kuri Sitade Totoro we Pelé i Nyamirambo mu Mujyi wa Kigali.

Mbere yo kugurwa n'Ikipe ya Rayon Sports mu Kwezi kwa Kamena (6) y'i 2024, Ndayishimiye yanyuze mu Ikipe ya Muhazi United, yanyuzemo mu gihe cy'imyaka 2.