Ibigo 16 bikora Ubucukuzi bw'Amabuye y'Agaciro byateguriwe Irushanwa ry'Umupira w'Amaguru

Ishyirahamwe rihuza Abakozi bakora Ubucukuzi bw'Amabuye y'Agaciro mu Rwanda [REWU], ryongeye gutegura Irushanwa ngaruka mwaka ry'Umupira w'Amaguru, ruzahuza Ibigo 16 bikora ubu bucukuzi.

Imikino y'umunsi wa mbere w'iri rushanwa, iteganyijwe mu mpera z'iki Cyumweru, hagati ya tariki ya 16 na 17 Kanama [8] 2025.

Itegura iri rushanwa, REWU yafatanyije n'Ikigo cy'Igihugu cy'u Rwanda gishinzwe Ubucukuzi bw'Amabuye y'Agaciro, Peteroli na Gaz [RMB], Ihuriro ry'abacukuzi b'Amabuye y'Agaciro mu Rwanda [FECOMIRWA] na Kumbuka Afrika.

Nyuma yo gutengira kwesurana mu mpera z'iki Cyumweru, biteganyijwe ko umukino wa nyuma uzakinwa tariki ya 04 Ukuboza [12] 2025.

Ryateguwe mu rwego rwo gufasha abakozi gusabana, kwidagaduro ndetse no kurushaho kumenyekanisha ibyo uru rwego rukora.

Guhera mu 2023 ubwo iri rushanwa ryatangiraga gukinwa, REWU igaragaza ko rikurikirwa n'abaturage barenga Ibihumbi 700, hateranyijwe imibare y'abafana bitabira iyi mikino ku bibuga iba yakiniweho mu gihugu hose.

Nyuma y'Imyaka 2 rikinwa, REWU itangaza ko kuri iyi nshuro ubwo rizaba rikinwa ku nshuro ya gatatu, bitewe ubwiyongere bw'abafana.

Guhera ku wa Gatandatu tariki ya 16 Kanama [8] 2025, amakipe y'Ibigo bikora Ubucukuzi bw'Amabuye y'Agaciro, azatangira kwesurana.