CECAFA: Rayon Sports WFC yiyongereye amahirwe yo kubona itike ya ½

Ikipe ya Rayon Sports y'abagore, yiyongereye amahirwe yo kuzakina imikino ya kimwe cya kabiri mu Irushanwa rya CECAFA riri gukinirwa mu gihugu cya Kenya.

Umukino waraye uyihuje n'Ikipe ya Top Girls Academy yo mu gihugu cy'u Burundi, warangiye amakipe yombi aguye miswi y'u 0-0.

Mu mukino w'umunsi wa mbere w'iyo mu itsinda rya kabiri, Rayon Sports WFC yari yawitwayemo neza, itsinda ibitego 2-1 Ikipe ya CBE yo mu gihugu cya Ethiopia.

Nyuma y'imikino ibiri imaze gukinwa muri iri tsinda, Rayon Sports WFC irariyoboye n'amanota 4, mu gihe hasigaye umukino umwe.

Umukino wa nyuma w'iyo muri iri tsinda, uzahuza CBE iri ku mwanya wa nyuma na Top Girls Academy.

Top Girls Academy iri ku mwanya wa kabiri muri iri tsinda n'inota 1, mu gihe CBE nta nota ifite.

Mu gihe Rayon Sports WFC yamaze gukina imikino yayo, icyayibuza kugera muri kimwe cya kabiri n'uko Top Girls Academy yanyagira CBE, igafite ifata umwanya wa mbere ku kinyuranyo cy'ibitego.

Amafoto