Amavubi U-17 yabaye iciro ry'imigani nyuma yo kunyagirwa na Somalia muri CECAFA

Ikipe y'Igihugu y'u Rwanda y'umupira w'amaguru mu batarengeje Imyaka 17, yabaye igitaramo mu bakunzi ba ruhago, nyuma yo kunyagirwa ibitgo 3-0 n'iya Somalia.

Uyu mukino Amavubi yanyagiwemo na Somalia, wakiniwe kuri Sitade yitiriwe Abebe Bikila i Addis Ababa muri Ethiopia.

Iyi ntsinzi yabaye ishingiro ryo kutayicira akari urutega, yaje ikurikira iy'u Rwanda rwatsinzwemo na Kenya ndetse na Ethiopia.

Gutsindwa uyu mukino, byari bivuze ko Umutoza Sosthène Habimana nta n'umwe aratsinda muri iri rushanwa.

Mu mikino itatu u Rwanda rumaze gukina mu itsinda rya mbere, rumaze kuyitsindwa ibitego 6 mu gihe rwatsinzemo kimwe.

Muri ibi bitego 6, Kenya yatsinzemo 1, Ethiopia 2, mu gihe Somalia yatsinzemo 3.

Uyu musaruro washyize akadmo ku nzozi zo kwerekeza mu mikino y'igikombe cy'Afurika kizakinwa mu ntangiriro z'Umwaka utaha (2026), ndetse no kwibaha ahazaza ha ruhago y'u Rwanda, mu gihe abakiri bato nta kizere batanga.

Bamwe mu bakurikiranira hafi ruhago mu Rwanda, bagize bati:“Na Somalia koko”.

Bakomeza bangamo bati:“Abashinzwe iterambere ry'umupira w'amaguru mu Rwanda ndetse n'abandi bireba, bakwiriye kwicara bagashaka igisubizo kuko mu gihe byakoza gutya, ntaho tugana”.

Muri uku kudacira akari urutega Amavubi, hari n'abasabye ko hakorwa urugendoshuri muri Uganda, hakwigwa uburyo bakoresha ngo bitware neza, cyane ko bitwaye neza mu gikombe cy'abatarengeje Imyaka 17 ndetse no muri CECAFA bikaba ari gutyo bimeze.

Mu mujyo wo gushaka umuti, hari n'abasubije amaso mu Myaka 14 ishize, bongera gusaba ko umuvuno wari wakoreshejwe Amavubi ajya mu gikombe cy'Isi mu 2011 wakongera ukarebwaho.

Mu gihe Amavubi yamaze gusezererwa, amakipe yabonye itike arimbanyije imikinp yo gushaka itike y'Igikombe cy'Isi.

Amafoto