Rayon Sports yatandukanye na Afahamia Lotfi nyuma y'amezi atatu

Ubuyobozi bw'Ikpe ya Rayon Sports, bwatangaje ko bwatandukanye na Afahamia Lotfi, Umutoza w'Umunya-Tuniziya wayitozaga guhera muri Kanama (11) y'uyu Mwaka w'i 2025.

Amakuru yo gutandukana kw'impande zombi, yemejwe n'umuyobozi w'iyi Kipe bivugwa ko ikundwa n'Abanyarwada batai bacye, Bwana Thaddée Twagirayezu.

Itandukana rya Lotfi rije rikurikira ihagarikwa ryakozwe tariki ya 13 Ukwakira (10) 2025.

Lotfi yahagaritswe ari hamwe na Azzouz Lotfi wari umwungiriza we, nyuma y'uko ubuyobozi bwa Rayon Sports butishimiye umusaruro yayihaga muri Shmpiyona ndetse no gusezererwa mu mikino ny'Afurika ya CAF Confederation Cup.

Twagirayezu yavuze ko hashingiwe ku musaruro yagaragaje, nta kizere bari bakimufitiye ko n'ubwo yagaruka yazakora ibirenzeho.

Yagize ati:“Twemeranyijwe na we (Lofti) ko impande zombi zatandukana. Ikipe irimbanyije inzira zijyanye no kumwishyura ibyo tumugomba hashingiwe ku masezerano dufitanye”.

Nyuma yo gutandukana mu buryo bwa burundu na Lofti, Ikipe ya Rayon Sports yemeje ko Haruna Ferouz wari umutoza w'agateganyo akomeza gutoza iyi kipe, mu gihe hagishakishwa umutoza mushya.

N'ubwo Twagirayezu atavuze umubare w'Amafaranga uyu Munyatuniziya agomba guhabwa nyuma yo gusesa amasezerano, biravugwa ko ashobora gukenyerera kuri Miliyoni zibarirwa muri 25 z'Amafaranga y'u Rwanda.

Twibutse ko Lofti yerekeje mu Ikipe ya Rayon Sports hashingiwe ku biganiro byakozwe muri Gicurasi (5) 2025, ubwo yari akiri Umutoza w'Ikipe ya Mukura VS&L yo mu Karere ka Huye.

Amafoto

Afahamia Lotfi (Ifoto/ Ububiko)

Thaddée Twagirayezu. (Ifoto/ Ububiko)