Uburyo imikino ya Champions League isigaye ikinwamo “bumaze gufata irangi”

Nyuma y'Imyaka isaga 30, Imikino ihuza amakipe yahize ayandi ku Mugabane w'i Burayi (UEFA Champions League), ikinwa mu buryo bw'amatsinda, guhera ku mwaka w'imikino ushize (2024-25), yatangiye gukinwa mu buryo bumeze nka Shampiyona, biswe “League Phase”.

Ubu buryo bushya, butandukanye n'ubwari busanzwe, kuko mbere hakorwaga Amatsinda, buri tsinda rikavamo amakipe abiri ya mbere, iya gatatu igakomereza mu mikino ya UEFA Europa League, mu gihe iya kane yahitaga isezererwa.

Kuri ubu, ntabwo ariko ibintu bikimeze, kuko amakipe 8 ya mbere yitwaye neza mu mikino ya “League Phase” ahita akatisha itike ya kimwe cy'umunani (1/8), mu gihe andi 16 ahura hagati yayo, akishako 8 meza, asanga ayabonye itike ku ikubito.

Amakipe 12 atabonetse muri aya 16, ndetse n'u 8 ya mbere, ahita asezererwa.

Umwaka ushize w'imikino, Ikipe ya Paris Saint Germain (PSG), niyo yegukanye Igikombe, inyagiye Inter-Milan ibitego 5-0 ku mukino wa nyuma.

Muri uyu Mwaka w'imikino, amakipe 36 niyo yiyabiriye imikino ya “League Phase”, avuye kuri 32 yari asanzwe.

Imikino amakipe yakinaga mu matsinda, yavuye kuri 6, igera ku mikino 8.

Abakunzi ba ruhago by'umwihariko mu Rwanda, bemeze ko bamaze kuryoherwa n'uburyo iyi mikino isigaye ikinwamo, by'umwihariko Imvura y'ibitego amakipe atsindana.

Hagati ya tariki ya 21-22 Ukwakira (10) 2025, hakinwe imikino y'umunsi wa gatatu (3), wasize yabonetse ibitego 71 mu mikino 18.

Tariki ya 21 Ukwakira (10) 2025, hinjijwe ibitego 43, mu gihe ku wa 22 Ukwakira (10) 2025, habonetse 23.

Ni mu gihe mu mikino y'umunsi wa mbere, hijinjwe ibitego 67.

Amakipe arimo; FC Barcelona, Arsenal, PSG, PSV Eindhoven, Inter-Milan, Liverpool na Bayern München, ari mu yanyagiye ayo bahuye.

Umusaruro wavuye mu mikino yakinwe tariki ya 21 Ukwakira (10) 2025

• FC Barcelona 6-1 Olympiacos
• Kairat Almaty 0-0 Pafos
• Arsenal 4-0 Atlético de Madrid
• Leverkusen 2-7 Paris Saint-Germain
• Copenhagen 2-4 Borussia Dortmund
• Newcastle United 3-0 Benfica
• PSV Eindhoven 6-2 Napoli
• Union Saint-Gilloise 0-4 Inter
• Villarreal 0-2 Manchester City.

Umusaruro wavuye mu mikino yakinwe tariki ya 22 Ukwakira (10) 2025

• Athletic Club 3-1 Qarabağ
• Galatasaray 3-1 Bodø/Glimt
• Monaco 0-0 Tottenham
• Atalanta 0-0 Slavia Praha
• Chelsea 5-1 Ajax
• Frankfurt 1-5 Liverpool
• Bayern München 4-0 Club Brugge
• Real Madrid 1-0 Juventus
• Sporting CP 2-1 Marseille.

Mbere y'uko imikino ya UEFA Champions League ikinwa mu buryo bushya, ibitego byinshi byari byarabonetse ni 63 byatsinzwe mu mikino 16 yakinwe mu munsi wa mbere mu Mwaka w'imikino w'i 2000-2001.

Twibutse ko, imikino y'umunsi wa gatatu, isize Ikipe ya Paris Saint Germain (PSG) iri ku mwanya wa mbere n'amanota 9, inganya n'amakipe ya; Bayern Munich, Inter Milan, Arsenal na Real Madrid.

Ni mu gihe, Harry Kane wa Bayern Munich na Kylian Mbappe wa Real Madrid aribo bayoboye ba Rutahizamu, aho buri umwe afite ibitego 5.

Bakurikirwa na Marcus Rashford wa Barcelona, Antony Gordon wa New Castle na Erling Haaland wa Manchester City, bafite ibitego 4.

Kugeza ubu, Amakipe ya Benfica yo muri Portugal na Ajax yo mu Buholandi, ntarabona inota na rimwe.

Biteganyijwe ko Umunsi wa kane uzakinwa hagati ya tariki 04-05 z’Ugushyingo (11) kw'i 2025.

Amafoto