Nico Williams yemeye gukinira FC Barcelona mu Myaka 6 iri imbere

Umunya-Esipanye ufite inkomoko mu gihugu cya Ghana, Nicholas Williams Arthuer uzwi nka Nico Williams, yemeranyijwe n'Ikipe ya FC Barcelona kuyikinira mu gihe cy'Imyaka Itandatu [6] iri imbere.

Williams wari usanzwe ukinira Atletic Club [Atletico Bilbao] yo muri  Esipanye, yemeye ko azakinira iyi kipe y'i Catalunya kugeza mu 2031.

Ukwemeranya gukora kw'impande zombi, kwavuye mu ibiganiro byahuje abamuhagariye n’umuyobozi wa Tekenike muri Barcelona, Anderson Luís de Souza OIH uzwi nka Deco wari kumwe n’umutoza Hansi Flick.

Bivugwa ko mu gihe FC Barcelona yakwishyura Atletic Club [Atletico Bilbao] Miliyoni 58 z’Amayero, ntakabuza yahita imwegukana.

Ibi biganiro byabereye mu Birwa bya Ibiza, aho uyu mukinnyi ari mu biruhuko n’Umuryango we ndetse n'abamuhagarariye mu mategeko.

Amakuru avuga ko mushahara THEUPDATE yateyeho ijisho, avuga ko azajya ahembwa Miliyoni ziri hagati ya 7-8 z’Amayero buri Mwaka.

Mbere y'uko bitangazwa ko yemeye gukinira FC Barcelona, mu Cyumweru gishize yari yahagaritse ibiganiro n’andi makipe yamwifuzaga.

Muri aya makipe, harimo: FC Bayern Munich ndetse na Arsenal.

Icyo gihe, yayatangarije ko nta yindi kipe ashaka gukinira itari FC Barcelona.

Mu gihe yaramuka imwegukanye, yaba aje asanga Umunyezamu Joan Garcia, winjiye muri iyi kipe muri iki Cyumweru avuye muri Espanyol Barcelona.

N'ubwo ikomeje kurema Isoko ry’abakinnyi, FC Barcelona ifite umukoro utoroshye wo kuringaniza ibitabo ku byinjira n’ibisohoka, cyane ko imaze igihe kitari gito ubukungu bwayo budahagaze neza.