Umugwaneza na Kantore mu bakinnyi baserewe mu Ikipe y'Igihugu yitegura AfroBasket

Umugwaneza Charlotte wari Kapiteni na Kantore Sandra, bari mu bakinnyi beretswe Umuryango, mu gihe Ikipe y'Igihugu y'u Rwanda y'Abagore, irimbanyije imyiteguro y'Igikombe cy'Afurika [Women's AfroBasket].

Iyi myitozo ikorerwa muri Petit Stade Amahoro i Remera mu Mujyi wa Kigali.

Imikino y'iri rushanwa, izabera mu gihugu cya Côte d'Ivoire guhera tariki ya 26 Nyakanga [7] kugeza ku ya 03 Kanama [8] 2025.

Dr Cheikh Sarr, Umutoza w'iyi kipe yatangiye imyitozo mu Cyumweru gishize, asigaranye gusa abakinnyi 14 muri bo yari yahamagaye.

Abakinnyi 14 basigaye mu mwiherero, bagizwe na: Ineza Sifa, Destiny Philoxy, Bella Murekatete, Tetero Odile, Irakoze Ange Nelly, Umunezero Lamla, Mwizerwa Faustine, Micomyiza Rosine Cisse, Butera Hope, Gloriose Byukusenge, Uwizeye Assouma, Vanessa Prissy Camara, Karinganire Gahozo Kellia na Ishimwe Rebecca.

Abakinnyi 5 basezerewe bagizwe na: Umugwaneza Charlotte wari Kapiteni, Uwimpuhwe Henriette, Mushikiwabo Sandrine, Kantore Sandra na Kiyobe Chantal.

AfroBasket mu ikiciro cy’abagore, izitabirwa n’Ibihugu 12 birimo: Côte d'Ivoire, Senegal, Nigeria, Mozambique, Misiri, Mali, Guinea Conakry, Angola, Uganda, Sudani y’Epfo n'u Rwanda.

U Rwanda ruri mu itsinda rya kane rusangiye na Nigeria na Mozambique.

Umukino wa mbere w'u Rwanda, uzaruhuza na Nigeria tariki ya 26 Nyakanga [7] 2025, ku isaha ya saa kumi n’igice za Kigali.

Muri iyi mikino, Afurika y’i Burasirazuba ihagarariwe n'Ibihugu birimo: Uganda, u Rwanda na Sudani y'Epfo.

U Rwanda ruzaba rwitwaje abakinnyi b'inkingi za mwama barimo: Bella Murekatete uheruka kwerekeza muri Toulouse Métropole Basket yo mu Bufaransa na Ineza Sifa, ukinira Grand Canyon Antelopes yo muri Leta z’unze Ubumwe z’Amerika.

Muri AfroBasket iheruka yabereye i Kigali mu mwaka wa 2023, u Rwanda rwasoreje ku mwanya wa kane, ari nawo mwiza rwagize mu mateka y'iri rushanwa.

Amafoto