Chelsea yakusanyije Miliyoni 154$ nyuma yo kwegukana Igikombe cy'Isi cy'Ama-Clubs

Ikipe ya Chelsea FC yo mu gihugu cy'Ubwongereza, iyoboye andi makipe yahuye akayabo mu mikino ya nyuma y'Igikombe cy'Isi cy'ama-Clubs yari imaze Ukwezi ikinirwa muri Leta zunze Ubumwe z'Amerika.

Nyuma yo gutsinda Ikipe ya Paris Saint Germain ibitego 3-0 mu mukino wa nyuma wakinwe kuri iki Cyumweru, Chelsea yahise ikusanya Miliyoni 154 z'Amadorali y'Amerika.

Ni ku nshuro ya mbere kandi iri rushanwa ryari rikinwe nyuma yo kuvugururwa, rikitabirwa n'amakipe 32 avuye kuri 12 yari asanzwe aryitabira.

Aya mavugurura, yajyanye no kongera Amafaranga, agera kuri Miliyari y’Amadolari y’amerika.

Iyi Miliyari yagabanyijwe mu byiciro bibiri, birimo Miliyoni 525$ zasaranganyijwe amakipe yose yitabiriye, na Miliyoni 475$ zatanzwe mu bihembo.

Miliyoni 525$ zagabanyijwe amakipe hashingiwe mu byerekezo aturukamo.

Amakipe abarizwa mu Ishyirahamwe rya ruhago i Burayi [UEFA], yahawe Miliyoni ziri hagati ya 12$ na 18$, ayo mu Ishyirahamwe rya ruhago k'Umugabane w'Amerika y'Epfo [CONMEBOL], ahabwa Miliyoni 15$, ayo mu Ishyirahamwe rya ruhago k'Umugabane w'Aziya [AFC], uw'Afurika [CAF] n'Amerika yo hagati y'Amajyaruguru [Concacaf] ahabwa Miliyoni 9$, mu gihe ayo muri Oceania[OF] yahawe Miliyoni 3$.

N'ubwo FIFA itatangaje icyashingiwe amakipe y’i Burayi asaranganywa aya mafaranga, The Swiss Ramble yanditse ko hifashishijwe urutonde rw’uko akurikirana i Burayi [Uefa's Club Coefficient System] hagendewe ku manota yagize mu Myaka 5 ishije.

Mu makipe yahawe Miliyoni 38$, arimo: Chelsea, Real Madrid, Manchester City, Bayern Munich na Atletico Madrid.

Guhera mu matsinda, buri mukino Ikipe yatsindaga, yahabwaga Miliyoni 2$,  amakipe yanganya buri imwe igahabwa Miliyoni 1$.

Mbere yo kugera k'umukino wa nyuma, Chelsea FC yar'imaze gukusanya Miliyoni 76$. Kwegukana Igikombe, byahise biyihesha izindi Miliyono 40$.

Uvanyemo Miliyoni 38$ yahawe zo kwitabira, mu Irushanwa nyirizina, yahakusanyije Miliyoni 116$.

K'uruhande rw'Amakipe yari ahagarariye Umugabane w'Afurika, Mamelodi Sundowns yo muri Afurika y'Epfo, niyo yakusanyije menshi.

Uretse Miliyoni 9$ yahawe zo kwitabira, mu mikino nyirizina yakusanyijemo izindi Miliyoni 3$.

Izi Miliyoni 3$, 2$ yazikuye mu mukino yatsinzwemo Ulsan HD, indi 1$ iyikura mu mukino yanganyijemo na Fluminense yo muri Brazil.

Andi makipe nka Paris Saint Germain, Real Madrid, Fluminense ari mu yakusanyije akayabo muri iyi mikino.

Iri rushanwa rizajya rikinwa buri nyuma Myaka 4, bivuze ko rizongera gukinwa mu 2029

N’ubwo rikomeje kutavugwaho rumwe n’ababakunzi b’umupira w’amagaru ku Isi, hashingiwe ko rinaniza abakinnyi, ntibabone igihe guhagije cyo kuruhuka.