fu9bap4xoaawudf

Amagare: Murenzi Abadallah wari uhanganye na oya, yongeye gutorerwa kuyobora FERWACY

Kuri uyu wa Gatandatu tariki ya 11 Kamena 2022, muri kimwe mu cyumba cy’Inama cya Hilltop Hotel i Remera hakorewe Igikorwa cy’amatora y’inzego ziyobora Ishyirahamwe ry’umukino w’amagare mu Rwanda ‘FERWACY’ mu gihe cya manda y’imyaka ine iri imbere nk’uko amategeko y’irigenga abiteganya.

Muri aya matora byari biteganyijwe ko hatorwa Komite Nyobozi ndetse na komite ngenzuzi kimwe kandi na komite nkemurampaka, muri ayo matora ubwo yabaga hagaragaye ko uwari usanzwe ayobora iri shyirahamwe Murenzi Abdallah ariwe ugiye gukomeza kuyobora.

Murenzi Abdallah wahataniraga kuyobora iri shyirahamwe nk’umukandida rukumbi bivuze ko ntawe bari bahanganye yatowe ku majwi 10 kuri 11 kuko muri aya matora hagaragayemo imfabusa imwe.

Mu yindi myanya y’abatowe, Karangwa François yatowe nka Visi Perezida wa mbere, akaba yatowe ku majwi 11/11, Kayirebwa Liliane yatorewe kuba Visi Perezida wa Kabiri n’amajwi 11/11, Munyankindi Benoït yatorewe kuba umunyamabanga mukuru naho Ingabire Assia yongeye gutorerwa kuba umubitsi wa FERWACY.

Aba bose batowe muri iri shyirahamwe ry’umukino wo gusiganwa ku magare mu Rwanda, FERWACY, bafite manda yo kuyobora kugeza muri 2026, ibi bivuze ko bafite imyaka ine bayobora iri shyirahamwe.

Murenzi Abdallah yongeye gutorerwa kuyobora Ferwacy | IGIHE

Murenzi Abadallah, yongeye gutorerwa kuyobora FERWACY