Imvura idasanzwe ikomeje guteza imyuzure mu karere ka Africa y’iburasirazuba. Muri Tanzania ibiza bivuye kuri iyi mvura bimaze kwica abarenga 150, naho muri Kenya abarenga 60. Ibi biza byibasira ahanini abatuye mu tujagari, hamwe na hamwe n’abatuye neza.
Abantu babarirwa mu bihumbi amagana bavuye mu byabo, mu gihe abashinzwe iteganyagihe baburira ko imvura iteganyijwe ikiri nyinshi mu masaha nibura 72 ari imbere.
Mu kajagari (slam/bidonville) ka Mathare mu mujyi wa Nairobi abahatuye barakomerewe, imvura imaze kwica abarenga 15 ivana mu byabo ibihumbi by’abahatuye.
Senateri Edwin Sifuna uhagarariye intara y’umujyi wa Nairobi, yabwiye Ikinyamakuru cy’Abongereza BBC dukesaha iyi nkuru agira ati: “Ibintu bikomeje gutera ubwoba cyane. Kugeza mu ijoro ryacyeye twabaraga abarenga 60 bapfuye.”
Iyi mvura irava ku ihindagurika ry’ikirere na ‘phénomène’ y’ikirere abahanga bita El Niño.
Michael Aiyabei, wo mu kigo cyo guhangana n’ibiza muri Kenya ati: “Turimo kwitegura ibihe bikomeye kurushaho”.
Amafoto
