Imikino y’amajonjora y’Igikombe cy’Isi cy’Umukino wa Basketball mu bagore izatangira mu Kanama 2024.
Umujyi wa Kigali mu Rwanda na Mexico muri Mexique, yatoranyijwe nk’imwe mu Mijyi izakira iyi mikino.
Tariki ya 19 kugeza ku ya 25 Kanama 2024, bizaba ari ibirori muri iyi Mijyi, nyuma y’uko Ishyirahamwe ry’umukino wa Basketball mu Rwanda (Ferwaba), n’iryo muri Mexique (Ademeba) bemereye Impuzamashyirahamwe y’umukino wa Basketball ku Isi (FIBA) kuzakira aya majonjora.
Uretse amakipe 12 azakina imikino Olempike izabera i Paris mu Bufaransa mu Mpeshyi y’uyu Mwaka, andi makipe 16 azaba avuye ku Migabane Ine (4), kuko buri Mugabane uzatanga Amakipre (4), azesurana mu rwego rwo guhatanira itike y’iyi mikino izabera i Berlin mu Budage mu 2026.
Amakipe y’Ibihugu azahatana muri iri Jonjora azaba agizwe na;
Africa: Senegal, Mali, Rwanda, Mozambique
Americas: Brazil, Mexico, Venezuela, Argentina
Asia/Oceania: New Zealand, Korea, Philippines, Lebanon
Europe: Hungary, Czechia, Montenegro, Great Britain.
Aya makipe uko ari 16, azashyirwa mu Matsinda abiri (2), buri tsinda rijyemo amakipe 8.
Nyuma ya tombora, Ibihugu 8 bizerekeza i Kigali, ibindi 8 byerekeze i Mexico.
Ubwo amakipe azaba amaze kugera muri iyi Mijyi, azashyirwa mu matsinda abiri, buri tsinda rijyemo amakipe 4, ubundi yesurane.
Aya makipe azahatana akine imikino ya 1/2 ndetse n’umukino wa nyuma.
Buri tsinda, rizaba rigizwe n’Igihugu n’Ibihugu 4 bivuye ku Migabane itandukanye. Buvuze ko buri Mugabane uzavamo Igihugu kimwe.
Amakipe abiri ya mbere muri buri tsinda azahita akatisha itike ya 1/2, mu gihe ikipe zizegukana Ibikombe zizahita zikatisha itike yo kuzerekeza i Berlin mu 2026.
Iri Rushanwa rizabera mu Budage, rizahuriza hamwe amakipe 24, arimo izaba yegukanye igikombe i Kigali ndetse n’i Mexico.
Mu gihe andi 22 azava mu Irushanwa rya FIBA Continental riteganyijwe Umwaka utaha w’i 2025.
Tombola y’uko amakipe azashyirwa mu matsinda y’ijonjora ryo gushaka itike igana mu Budage, iteganyijwe tariki ya 25 Mata 2024, ku isaha ya 14:00, ikazabera muri Patrick Baumann House of Basketball.