Imikino

Kapiteni wa Al Nassr n’ikipe y’Igihugu ya Portugal, Cristiano Ronaldo yagaragaye ari n’umukunzi we Georgina Rodriguez bashagawe n’abafana ubwo bari mu modoka ifitwe n’abandi bantu 9 ku Isi, ubwo bari i Madrid muri Espagne.

Nyuma yo gushyiraho uduhigo mu ikipe y’Igihugu ya Portugal ubwo yakina imikino yo gushaka itike y’Igikombe cy’Uburayi (Euro-2024) izabera mu Budage, Cristiano Ronaldo yagaragaye atembera mu gace yubakiyemo ametaka mu mupira w’amaguru, aha nta handi ni i Madrid muri Espagne.

Mu mashusho yiriwe acaracara ku munsi w’ejo, uyu mukinnyi w’imyaka 38 yari yambaye ikoti ry’umukara, umupira w’umweru ndetse n’ipantaro y’umweru ari kumwe n’umukunzi we Georgina Rodriguez bava muri resitora iri mu zikunzwe mu gace ka Madrid.

Aba bombi basohoka muri resitora bagasanga hanze hari abantu benshi, batangira kwegera Cristiano Ronaldo bamwifotorezaho, abandi bamuririmba ariko aba ari kumwe n’abamurinze, bigizayo abafana akinjira mu modoka ifitwe n’abantu bacye ku Isi ubundi agahita agenda.

Iyi modoka ya Cristiano Ronaldo iri mu bwoko bwa Bugatti Centodieci ni ubwa mbere yari agaragaye ayirimo.

Yayiguze umwaka ushize agera kuri mMliyoni 8.5 z’amayero.

Iyi modoka yakozwe kugira ngo uruganda rwo mu Bufaransa rwa Bugatti rwizihize imyaka 110 rumaze rushinzwe. Uru ruganda rwakoze imodoka 10 gusa zo mu bwoko bwa Bugatti Centodieci.

Izi modoka zashatswe n’abantu benshi ariko siko bose bazibonye bitewe n’uko bakoze nke. Cristiano nk’umuntu usanzwe ari umukiriya w’akadasohoka w’uru ruganda, yahawe iyakozwe ku nshuro ya 7 mu rwego rwa nimero yambara mu kibuga kuko bagiye bazishyira hanze mu bihe bitandukanye.

Biteganyijwe ko shampiyona yo muri Saudi Arabia izasubukurwa taliki 4 Mata, ikipe ya Cristiano Ronaldo ya Al Nassr izahita icakirana na Al-Adalah.

Irushanwa ry’igikombe cya Africa niryo rushanwa rifatwa nk’irya mbere ku muganane wa Africa mu mupira w’amaguru, iri rushanwa rikinwa buri myaka ibiri, iry’umwaka utaha rikazabera mu gihugu cya Ivory Coast muri Mutarama na Gashyantare.

Ni irushanwa ryari gukinwa uyu mwaka, gusa CAF iritegura ihitamo kuryimurira muri 2024 kuko Igihugu kizaryakira cyatangaje ko cyari kitaritegura.

N’ubwo imikino yo mu matsimda 12 yose itarasozwa, hari bimwe mu bihugu byamaze kubona itike hakiri kare.

Muri ibyo. harimo Ivory coast izaryakira n’ibindi.

Kugeza ubu, Ibihugu bimaze gukatisha iyi tike bikaba bigizwe na; Ivory Coast, Burkina Faso, Algeria, Morroco, Senegal, Tunisia na Afurika y’Epfo.

Igikombe cy’Africa biteganyijwe ko kizatangira kuwa 13 Mutarama 2024, Umukino ugifungura ukazakinirwa kuri Alassane Ouattra Stadium iherereye Abidjan.

Biteganyijwe ko iyi mikino izasozwa tariki ya 11 Gashyantare 2024.

Ibihugu bitandukanye bikazaba bihanganiye kwambura Senegal iki gikombe ifite, mu gihe nayo nta kabuza izaza ishaka kukirwanaho.

Ivory Coast iheruka kwegukana iki gikombe mu 2015, bikaba byitezwe ko nta kabuza kuri iyi nshuro ibifashijwemo n’abakinnyi bayo bakomeye barimo Kapiteni wayo Serge Aurier, Sebastin Haller, Zaha, Pepe n’abandi, bazaba biyereka abaturage babo.