Volleyball: Misiri yegukanye Igikombe cy’Afurika itsinze Algeria ku mukino wa nyuma


image_pdfimage_print

Nyuma y’Imyaka umunani (8), ikipe y’Igihugu ya Misiri yongeye kwegukana Igikombe cy’Afurika, kuko mu Ijoro ryakeye yisengereye Umuturanyi wayo Algeria ku ntsinzi y’Amaseti 3-1 ku mukino wa nyuma.

Uyu mukino wakiniwe i Cairo mu Misiri ahakinirwaga iri rushanwa ku nshuro ya 24 mu Mateka yaryo.

Misiri yegukanye uyu mukino nyuma yo kwerekana urwego ruri hejuru, kuko yabanje gutsinda amaseti abiri ya mbere mu buryo butayigoye (25-22, 25-18).

Imbere y’abaturage bayo (Abanya-Misiri) batari bacye, Algeria yaje kwihagararaho yegukana iseti ya gatatu ku manota 25-20, gusa Misiri yagarutse mu iseti ya kane irangamiye kwegukana igikombe, inabigeraho ku ntsinzi y’amanota 25-22.

Nyuma yo kwegukana iki gikombe yaherukaga mu 2015, cyahise kiba icya 9 yegukanye, kiyishyira ku mwanya wa kabiri inyuma ya Tuniziya ifite 11.

Muri aya marushanwa, Libya yegukanye umwanya wa gatatu itsinze Kameroni amaseti 3-1.

Uretse kwegukana Igikombe, Misiri na Algeria zizahagarira Afurika mu mikino ya Shampiyona y’Isi yo mu 2025.

Iki gikombe kandi cyahesheje Misiri kubona itike y’Imikino Olempike yo mu Mpeshyi izabera i Paris mu Bufaransa mu Mwaka utaha w’i 2024.

Ku ruhande rw’u Rwanda, rwakuye umwanya wa Gatandatu muri iyi mikino, nyuma yo gutsindwa na Tuniziya amaseti 3-0 mu mukino wo guhatanira umwanya wa Gatanu.

Uyu mwanya wa Gatandatu, u Rwanda ruwumazeho igihe, kuko haba mu 2021, 2017 n’i 2015 ariwo rwari rwasorejeho.

Uko amakipe yakurikiranye

1. Misiri (Egypt)

2. Algeria

3. Libya

4. Cameroon

5. Tunisia

6. Rwanda

7. Chad

8. Morocco

9. Kenya

10. Ghana

11. Senegal

12. Gambia

13. Tanzania

14. Burundi

15. Mali

Amafoto

Abakinnyi batowe nk’abahize abandi mu Irushanwa

 

May be an image of text that says "1-3 FINISHED SCORE Algeria Egypt 1 22 18 25 22 3 25 25 20 25"

The New TimesThe New Times
May be an image of 9 people and text
May be an image of 9 people, people playing volleyball and text
May be an image of 8 people, people playing volleyball and text that says "ALGERIA ALGERIA 我 SF LINK"
May be an image of 3 people, people playing volleyball and text
May be an image of volleyball and text that says "FIV3"
May be an image of 4 people and people playing volleyball
May be an image of volleyball, basketball and crowd
No photo description available.
May be an image of text that says "Final standing Rank Team Egypt Algeria CLOa Libya Cameroon 5 Tunisia 6 7 Rwanda Chad 8 Morocco 9 Kenya 10 Ghana 11 Senegal 12 Gambia 13 Tanzania 14 Burundi 15 Mali Qualified for the 2025 World Championship"
May be an image of 2 people, people playing football, people playing American football and text that says "LINKING AFRICAN NATIONS VOLLE MEP YBALL CHAMPIONSHIP CAIRO- EGYPT 2023 CAVB EGYPT FINALRANKING FINAL 7 CHAD ALGERIA 13 LIBYA MOROCCO TANZANI 14 KENYA CAMEROON BURUNDI 15 TUNISIA GHANA MALI RWANDA SENEGAL GAMBIA COACH"
May be an image of 6 people
May be an image of 3 people and people playing volleyball

Leave a Reply

Your email address will not be published. Required fields are marked *