Nyagatare: Nyuma y’Iminsi 120 nta Ntsinzi, Sunrise FC yahembwe Ikimasa imaze kwisengerera Etincelles


image_pdfimage_print

Ikipe ya Sunrise FC isanzwe ibarizw muri Shampiona y’ikiciro cya mbere mu Rwanda, mu mpera z’Icyumweru yatsinze umukino wayo wa mbere nyuma y’iminsi 120 itazi uko instinzi imera.

Iyi kipe ikaba yaherukaga tariki ya 22 Ukuboza 2022, mu mukino yatsinzemo AS Kigali.

Umukino w’uyu munsi wa 26 wa Shampiyona wayihuje na Etincelles FC, washyize akadomo kuri ibi bihe bibi yari imazemo igihe.

N’ubwo gutsinda byari ingenzi mu rugamba rwo guhatanira kuguma muri Shampiyona, ubuyobozi bw’iyi kipe bwishimiye iyi ntsinzi bubagira abakinnyi Ikimasa, mu rwego rwo kubatera akanyabugabo mu mikino isigaye ya Shampiyona.

Ibitego 3-0 Sunrise FC yatssinze Etincelles FC, byatsinzwe na Shyaka Clever 10′, Nyamurangwa Moïse 36′ n’igitego kitsinzwe na Bizimungu Omar ku munota wa 90 w’umukino.

Iyi ntsinzi yashyize Sunrise FC ku mwanya wa 12 n’amanota 28 ku rutonde rw’agateganyo rwa Shampiyona, mu gihe hasigaye imikino ine (4) gusa igashyirwaho akadomo.

Amafoto


Leave a Reply

Your email address will not be published. Required fields are marked *