Abayobozi bo mu nzego z’ibanze mu Karere ka Musanze, baravuga ko biyemeje gushyira imbaraga mu kwesa imihigo y’uyu mwaka barushaho gufatanya n’abaturage kugira ngo bave ku mwanya wa 25 bajeho mu mihigo y’umwaka ushize.
Bamwe mu batuye Akarere ka Musanze bavuga ko mu mihigo y’uyu mwaka wa 2023-2024, hari ibikwiye gushyirwamo imbaraga n’ubuyobozi.
Ibi biravugwa mu gihe ubuyobozi bw’Akarere ka Musanze bwasinyanye imihigo n’Abanyamabanga Nshingwabikorwa b’Imirenge uko ari 15, biyemeje ko uyu mwaka bazashyira impinduka mu kwesa imihigo.
Umuyobozi w’agateganyo w’Akarere ka Musanze, Bizimana Hamiss yavuze ko imihigo itari iy’umuyobozi wenyine ahubwo ko n’abaturage bakwiye kuyigiramo uruhare.
Imihigo 126 yahizwe n’Akarere ka Musanze muri uyu mwaka w’ingengo y’imari wa 2023-2024, yateganyirijwe ko izatwara abarirwa muri Miliyari 7.364 Frw.
Amafoto
