1

Conakry: Perezida Kagame yatashye Umuhanda wamwitiriwe

Perezida Paul Kagame na Perezida w’inzibacyuho muri Guinea, Col. Mamadi Doumbouya bitabiriye umuhango wo gutaha ku mugaragaro ibikorwaremezo birimo umuhanda mugari n’ikiraro kigezweho byose bihuza Kagbélen n’umurwa mukuru Conakry.

Ni ibikorwaremezo igihugu cya Guinea cyitiriye Perezida Paul Kagame.

Ni ibikorwaremezo kandi byitezweho koroshya urujya n’uruza hagati y’imijyi y’inganda n’umurwa mukuru Conakry ndetse na bimwe mu bihugu bihana imbibi na Guinea.

Mu gitondo cyo kuri uyu wa Kabiri kandi Perezida uri mu ruzinduko mu gihugu cya Guinea ari kumwe na Perezida w’iki gihugu Col. Mamadi Doumbouya, bahuye n’abanyeshuri baturuka mu bice bitandukanye bya Guinea, bitegura kuzavamo abayobozi b’ejo hazaza muri iki gihugu.

Ni igikorwa cyabereye ku ishuri rya Gisirikare rya Guinea.

Amafoto