Volleyball: Imikino y’Akarere ka 5 igiye kugaruka mu Rwanda nyuma y’Imyaka 4


image_pdfimage_print

Guhera tariki ya 06 kugeza ku ya 13 Ugushyingo 2023, u Rwanda ruzakira imikino y’Akarere ka Gatanu (5).

Ibaruwa THEUPDATE ifitiye kopi, igaragaza ko Amashyirahamwe agize Akarere ka Gatanu (CAVB Zone V), igaragaza ko amakipe azakina iyi mikino ari ay’abagabo n’abagore.

Iyi mikino iteganyijwe kuzabera mu Nyubako y’Imikino n’Imyidagaduro izwi nka BK-Arena yubatse i Remera mu Mujyi wa Kigali, biteganyijwe ko izitabirwa n’amakipe asaga 30.

Ni ku nshuro ya mbere iyi mikino igiye gukinwa guhera mu 2019, icyo gihe nabwo ikaba yarabreye mu Rwanda.

Akarere ka Gatanu (5) ka Volleyball kagizwe n’Ibihugu 12 birimo; U Burundi, Djibouti, Egypt, Eritrea, Ethiopia, Kenya, Rwanda, Somalia, Sudani y’Epfo , Sudani, Tanzaniya na Uganda.

Muri iyi mikino, bitagnyijwe ko u Rwanda ruzahagararirwa n’amakipe arimo; Gisagara Volleyball Club, REG, Police VC na APR mu kiciro cy’abagabo, mu gihe mu bagore ari; APR, RRA, Police, na IPRC-Kigali.

Ubwo riheruka gukinwa mu 2019, ryegukanywe na Gisagara VB itsinze REG VB amaseti 3-1 ku mukino wa nyuma.

Icyo gihe, u Rwanda rwahagarariwe n’amakipe atatu (3) agizwe na; Gisagara VB, REG VB na Kirehe VB.

Amakipe yitabiriye iri rushanwa ubwo riheruka gukinwa

Itsinda rya mbere: REG (Rwanda), KAVC (Uganda) and Jeshi Stars (Tanzania)

Itsinda rya kabiri: Gisagara (Rwanda), Nemo Stars (Uganda) and Amical (Burundi)

Itsinda rya gatatu: UTB (Rwanda), Kirehe (Rwanda) and Wolaitha Dicha (Ethiopia)

Itsinda rya kane: APR (Rwanda), Wadda Walabu (Ethiopia) and Sports S (Uganda).

Gisagara VB niyo ifite iki gikombe

 

Akarere ka Gatanu ka Volleyball, kayobowe n’Umunyarwanda Fernand Sauveur RUTERANA.

Leave a Reply

Your email address will not be published. Required fields are marked *