Kuri uyu wa Kabiri tariki ya 10 Ukwakira 2023, haraye hakomeje imikino y’umunsi wa gatandatu wa Shampiyona y’u Rwanda y’umupira w’amaguru Umwaka w’i 2023/24.
Ni umunsi waranzwe no gutungurwa kw’amwe mu makipe asanzwe afatwa nk’ibikonyozi muri ruhago y’u Rwanda.
Uyu munsi wakinweho imikino ine, irimo uwahuje; Gorilla FC vs Gasogi United, APR FC vs Bugesera FC, Etincelles vs Musanze na Mukura vs Sunrise FC.
Uretse abakurikiranye imikino yabereye i Kigali n’uwabereye i Huye, abari i Rubavu bo batashye amara masa, kuko Etincelles yari mu rugo kuri Sitade Umuganda yahaterewe mpaga na Musanze FC, nyuma yo kubura Ingobyi y’Abarwayi (Ambulance/Imbangukiragutabara).
Umusaruro waranze iyi mikino
- Etincelles
Musanze FC (Mpaga) - Gorilla FC
Gasogi United (Irakoze Darcy 36′,Yves Habimana 63’||Malipangou 80’,Hamiss Hakim 59’) - Mukura VS&L
Sunrise FC (Ndayogeje Gerrard 89′) - APR FC Bugesera FC (Victor Mbaoma 17’||Tuyihimbaze Gilbert 89′).
Nyuma y’iyi mikino, APR FC iri ku mwanya wa kabiri n’amanota 11, ikaba irushwa amanota abiri na Musanze FC ifite amanota 13 iri ku mwanya mbere.
Mu gihe Bugesera FC yagize amanota arindwi, ayishyira ku mwanya wa gatandatu.
Kuri uyu wa Gatatu nabwo imikino irakomeza
- Marines FC vs AS Kigali (Sitade Umuganda)
- Amagaju FC vs SC Kiyovu (Stade ya Huye)
- Police FC vs Muhazi United (Sitade yitiriwe Pelé)
- Rayon Sports vs Etoile de l’Est (Sitade yitiriwe Pelé).
Amafoto
APR FC vs Bugesera FC
Mukura VS&L vs Sunrise FC
Gorilla FC vs Gasogi United
Etincelles FC vs Musanze FC
