Rwanda: Imikino y’Umunsi wa 11 wa Shampiyona yatewe Ipine


image_pdfimage_print

Ishyirahamwe ry’Umupira w’amaguru, Ferwafa ryatangaje ko ryasubitse imikino y’umunsi wa 11 wa Shampiyona y’i 2023/24, mu rwego rwo gufasha ikipe y’Igihugu Amavubi, kwitegura imikino y’amajonjora y’Igikombe k’Isi cy’i 2026 kizabera muri USA, Canada  na Mexique.

Itangazo risubika iyi mikino THEUPDATE yaboneye kopi, rivugwa ko igihe iyi mikino izakinwaho kizatangazwa mu gihe cya Vuba.

Bivuze ko nyuma y’imikino y’Umunsi wa 10 iteganyijwe mu mpera z’iki Cyumweru, shampiyona izongera gukinwa nyuma ya tariki 22/11/1023.

Kugeza ubu, Musanze FC iyoboye Shampiyona n’amanota 20, ikurikiwe na APR FC n’amanota 18 mu gihe Police FC ari iya gatatu n’amanota 16.

Amavubi agiye kwinjirana muri iri Jonjora Umutoza mushya, kuko azaba atozwa na Torsten Frank Spittler ukomoka mu Budage.

Guhera kuri uyu wa Gatanu, amakipe aresurana ku mukino w’Umunsi wa 10 mbere y’uko Shampiyona isubikwa

 

Tariki 13 Ugushyingo, Amavubi azacakirana na Zimbabwe, mu gihe tariki 21 azisobanura na Afurika y’Epfo.

Leave a Reply

Your email address will not be published. Required fields are marked *