Ikipe ya Mukura Victory Sports & Loisirs yatangije Umushinga wo gutanga amakarita y’Ubunyamuryango ku bakunzi bayo by’umwihariko n’amakarita ahesha abafana kureba imikino iyi kipe yakiriye.
Iyi kipe ibarizwa mu Karere ka Huye mu Ntara y’Amajyepfo y’u Rwanda, ivuga ko iki gikorwa kigamije ikomeza kwigarurira abakunzi bayo no kubasaba gukomeza kuyiba inyuma.
Uretse ibi kandi, abazagura aya makarita, bazaba bafashije iyi kipe yabo, mu rwego rwo guhangana n’ikibazo cy’amikoro.
Aya makarita yashyizwe mu byiciro bitanu, aribyo “Ikingi” igura Miliyonii 3 Frw, Imena igura Miliyoni 1 Frw, Ingenzi ingura Ibihumbi 500 Frw na Umukunzi igura Ibihumbi 50 Frw.
Umufana umufana uzagura Inkingi, izamuhesha kwicara mu myanya y’Icyubahiro ndetse anahabwe uburenganzira bwo kwamamaza ibikorwa bye mu mikino Mukura VS&L yakiriye ndetse anahabwe Umwambaro wa Mukura VS&L.
Ikarita ya Imena, izahesha uzayigura kwicara mu myanya y’Icyubahiro ndetse anahabwe Umwambaro wa Mukura VS&L.
Ikarita ya Ingenzi, uzayigura nawe azicara mu myanya y’Icyubahiro ndetse anahabwe Ibendera rya Mukura VS&L.
Ikarita ya Umukunzi, uzayigura izamuhesha kwinjira ku mikino yose Mukura VS&L yakiriye, gusa we azicara ahatwikiriye.
Ikindi kiziyongeraho, azahabwa nawe Ibendera rya Mukura VS&L.
Ikarita ya nyuma yiswe Mukura Twaje. Mukura Twaje izahesha uzayigura kwinjira muri Sitade mu mikino Mukura VS&L yakiriye atishyuye ndetse anahabwe Ibendera rya Mukura VS&L. Gusa, uyu azicara mu myanya isanzwe (Ahadatwikiriye).
Nk’ikipe yashinzwe mu 1963, Mukura Victory Sports & Loisirs ni imwe mu makipe ikuze imbere mu gihugu ndetse ifite Amateka ayemerera kuba Ubukombe.
Amafoto
