Umuvugizi w’Ingabo z’u Burundi, Colonel Floribert Biyereke, yatangaje ko Ingabo z’iki gihugu zirambiwe uburyo Inyeshyamba za M23 ziri kubabangamira.
Colonel Biyereke yatangaje ko izi Nyeshyamba zitambamira ibikorwa byabo byo kugemurira Abasirikare bari mu Birindiro bya Kitchanga na Mweso.
M23 ni Umutwe w’Inyeshyamba zirwanira mu Burasirazuba bwa Repubulika ya Demokarasi ya Congo, uhanganye n’Ingabo za Leta n’indi Mitwe irimo na FDLR.
Ibi bitangajwe mo gihe u Burundi n’ibindi bihugu by’Akarere ka Afrika y’Uburasirazuba byohereje Ingabo muri DR-Congo, mu mugambi wo kubahiriza amasezerano yo guhagarika intambara.
Mw’itangazo ryashyizwe hanze n’Ingabo z’u Burundi ryashizweho umukono n’Umuvugizi wazo Colonel Floribert Biyereke, rivuga ko intambara yongeye kwaduka.
Riti:”Hashize iminsi Umutwe w’Inyeshyamba za M23 n’idi Mitwe yitwaje Intwaro yongeye gukozanyaho mu Duce tutari duke two muri Kivu ya Ruguru, muri Republika ya Demokrasi ya Congo.”
Rikomeza rivuga ko iyi ntambara ihitana ubuzima bw’abaturage ndetse inakabuza n’Ingabo za Afurika y’Uburasirazuba gukora ibikorwa byazo.
Rikomeza rivuga ko Umutwe wa M23 wabujije Abasirikare b’u Burundi kujya kureba bagenzi babo inshuro ebyiri zose.
Riti:”Tariki ya 21 Ukwakira 2023, imodoka z’abasirikare b’u Burundi bari mu ngabo z’Akarere k’Umuryango wa Afurika y’Uburasirazuba, zari zitwaye ibirirwa ku birindiro bya Kitchanga na Mweso, zangiwe gutambuka n’Umutwe wa M23″.
“Bongeye kubikora kandi tariki ya 30 Ukwakira 2023, ubwo imodoka zari zitwaye ibirirwa zarekezaga n’ubundi kuri ibi birindiro.”
Ibiro bikuru by’Ingabo za EAC byasabwe gushakira Umuti ubu bwumvikane bucye, ariko ntizashoboye kumvisha M23 gufungura uyu Muhanda.
Bityo, Ingabo z’u Burundi zatangaje ko zidashobora gukomeza kwihanganira iyi migenzereze.
Abasirikare b’u Burundi bari mu Ngabo za EAC “bakaba bavuga ko bagomba gufata ingamba simusiga mu rwego rwo gukemura iki kibazo. Gusa, izi ngamba ntago bigeze bazikomozaho.
- Ni iki M23 itumvikanaho n’Ingabo z’u Burundi?
Umutwe wa M23 ushinja Ingabo z’u Burundi gufatanya n’Ingabo za DR-Congo (FARDC) kubarwanya.
Mw’itangazo ryo kuri uyu wa mbere w’iki Cyumweru, M23 yashinje abasirikare b’u Burundi gukorana n’aba DR-Congo n’iyindi Mitwe yitwaje Intwaro, gukoresha Uduce M23 yavuyemo bakagaba Ibitero ku basivile.
M23 yagize iti:”Ugushyira hamwe kwa Leta ya Kinshasa, FARDC, FDLR, MERCENAIRES, MILICES n’abasirikare FORCES DE DÉFENSE NATIONALE DU BURUNDI (FDN) bakoresha Uduce twasubije Ingabo za EAC bakagaba ibitero ku basivile.”
M23 ikomeza ihagaritswe Umutima no kubona u Burundi bujya mu bikorwa byo kurenga ku masezerano yo guhagarika intambara kandi aribwo buyoboye EAC ndetse bunari mu bihugu bigize Umuryango w’Akarere k’Ibiyaga bigari.
M23 kandi iherutse kwerekana amashusho (Video) agaragaza Umusirikare uvuga ko ari Umurundi yafatiwe ku rugamba yambaye Impuzankano z’Igisirikare cya DR-Congo.
Mw’itangazo ry’ingabo z’u Burundi, nta ho ryigera rivuga ko bakozanyijeho n’Abagwanyi bUmutwe wa M23.
Uyu mwuka mubi ukomeje gututumba mu gihe DR-Congo yakunze gushinja u Rwanda gufasha Umutwe wa M23, gusa u Rwanda rwabiteye Utwatsi inshuro zitari nke.
Ni mu gihe kandi Minisitiri w’Ububanyi n’Amahanga wa Leta zunze Ubumwe za Amerika, Antony Blinken aherutse guhamagara Perezida w’u Rwanda, Paul Kagame na Felix Tshisekedi wa DR-Congo, abasaba gukura Ingabo bashyize ku Mipaka ihuza Ibihugu byombi.