Isoko ry’igura n’igurisha ry’abakinnyi: Gasogi United yasinyishije Umunyakameroni


image_pdfimage_print

Mu gihe habura amasaha abarirwa kun ntoki ngo imikino yo kwishura ya Shampiyona y’umupira w’amaguru 2022/23 itangire, amakipe akomeje kwiyubaka umusubirizo. Kuri iyi nshuro, Gasogi United niyo igezweho, kuko yamaze gusinyisha amasezerano y’imyaka 2 umukinnyi ukomoka muri Cameroun, Steve Simo Kayo aho aje gufasha iyi kipe mu mikino yo kwishyura.

Uyu mukinnyi ukina mu kibuga hagati, yageze mu Rwanda ku wa Mbere w’iki cyumweru akaba yakiniraga ikipe y’iwabo Colombe du Sud.

Steve ni umukinnyi ukina mu kibuga hagati ariko asatira afasha abataha izamu gushaka ibitego, akaba aje gufasha ikipe ya Gasogi United kwitwara neza mu mikino yo kwishyura nk’uko yitwaye neza mu mikino ibanza ya shampiyona aho yasoje ku mwanya wa Kane.

Yabisikanye na Augustine Henneh ukomoka muri Ghana wari wageze mu Rwanda mu ntangiriro z’uku kwezi ariko ikipe ikaba itarashimye urwego rwe.


Leave a Reply

Your email address will not be published. Required fields are marked *