Gorilla Games yashoye Miliyoni 150 Frw zo guhabwa Intyoza za Shampiyona


image_pdfimage_print

Komite ishinzwe gutegura Shampiyona y’u Rwanda, yasinyanye na  Kampani yo guteguka ku Amasezerano izwi nka Gorilla Games ahwanye na Miliyoni 150 Frw mu gihe cy’Imyaka itatu.

Ni amasezerano agamije guhemba abakinnyi, abasifuzi n’abatoza bahize abandi muri Shampiyona.

Aya masezerano yasinyiwe kuri Century Park Hotel i Nyarutama mu Mujyi wa Kigali kuri uyu wa Kane.

Yasinywe uruhande rwa Gorilla Games ruhagarariwe n’umuyobozi wayo Brian Nkuru, Rwanda Premier League ihagarariwe n’umuyobozi wayo Hadji Mudaheranwa Yussuf, mu gihe Ferwafa yari ihagarariwe n’umuyobozi wayo, Bwana Munyantwali Alphonse.

Injira muri aya masezerano:

Ibihembo bizajya bitangwa buri Kwezi

▪️Umukinnyi w’Ukwezi (Player of the Month): 1,000,000 Frw

▪️Umutoza w’Ukwezi (Manager of the Month): 300,000 Frw

▪️Umupira wakuwemo n’umunyezamu w’ukwezi (Save of the Month): 300,000 Frw

▪️Igitego cyiza cy’Ukwezi (Goal of the Month): 300,000 Frw

Ibihembo bizatangwa Umwaka w’imikino urangiye

▪️Umukinnyi mwiza w’umwaka (Player of the Season): 3,000,000 Frw

▪️Rutahizamu wa Shampiyona (Top Scorer): 3,000,000 Frw

▪️Umukinnyi wahize abandi mu kuyobora umukino (Playmaker of the Season): 2,000,000 Frw

▪️Umunyezamu mwiza (Golden Glove): 2,000,000 Frw

▪️Umutoza w’Umwaka (Manager of the Season): 1,500,000 Frw

▪️Umukinnyi mwiza ukiri muto (Young Player of the Season): 1,000,000 Frw

▪️ Igitego cy’Umwaka (Goal of the Season): 750,000 Frw

▪️Ikipe y’Umwaka [Abakinnyi 11 + n’Umutoza] (Team of the season): 3,300,000 Frw (bazajya bayagabana ari 11)

▪️Umusifuzi w’Umwaka (Referee of the Year): 1,000,000 Frw

Uretse ibi bihembo, hari kandi Miliyoni 50 Frw zizajya zihabwa Rwanda Premier League.

Biteganyijwe kandi ko hari ibindi bihembo bizajya bitangwa birimo n’icy’umufana w’Umwaka n’ibindi….

Abatsinze bazajya bava ku matora azajya akorerwa ku Mbuga nkoranyambaga (Social Medias) batowe n’abafana, abahize abandi batorwe n’itsinda rizaba ririmo abatoza, abanyamakuru, abakinnyi n’abandi….


Leave a Reply

Your email address will not be published. Required fields are marked *