Ishyirahamwe ry’umupira w’amaguru ku Isi FIFA, ryatangaje ko ryakuyeho ibihano byari byarafatiye ikipe ya Rayon Sports nyuma yo kutishyura umutoza yari iherutse gutandukana nawe.
Mu minsi ishize, Ishyirahamwe ry’umupira w’amaguru ku isi FIFA ryari ryafatiye Rayon Sports ibihano byo kutandikisha abakinnyi kubera ideni iyi kipe yari ifitiye umutoza Paula Daniel Ferreira Faria wahoze ari umutoza wungirije, nyuma akaza gutanga ikirego.
Kuri uyu wa Kane, nibwo FIFA yamenyesheje impande zirebwa n’iki kibazo ko ibihano byamaze kuvaho, bivuze ko ubu Rayon Sports yemerewe kwandikisha abakinnyi ihereye kuri Héritier Luvumbu iheruka gusinyisha ariko ntakine umukino wa mbere Rayon Sports iheruka gukina.
