Rutahizamu w’Ikipe y’Igihugu Amavubi, Byiringiro Lague, mu Ijoro ryo ku wa 06 Werurwe 2023, nibwo yafashe Rutemikirere yerekeza mu kiciro cya 3 muri Sweden mu Ikipe ya Sandvikens IF yamuguze.
Ku wa 26 Mutarama 2023 ni bwo Sandvikens IF yatangaje Byiringiro Lague nk’umukinnyi wayo mushya mu myaka ine iri imbere, aguzwe agera ku bihumbi 80€ ashobora kwiyongera bitewe n’uburyo azitwara.
Uyu mukinnyi ku Kibuga cy’Indege mpuzamahanga cya Kigali i Kanombe akaba yari yaherekejwe n’umugore we Uwase Kelia ndetse n’umwana we baheruka kwibaruka
Lague yagombaga kwerekeza muri Sandvikens IF tariki ya 27 Mutarama ariko APR FC isaba ko bamureka akabanza gukina umukino wa Rayon Sports wabaye tariki ya 12 Gashyantare.
Sandvikens IF yamuguze isanzwe ibarizwamo undi Munyarwanda, Mukunzi Yannick wayigezemo mu 2019.
Yinjiye muri APR FC muri 2018 ubwo yari avuye mu Intare FC. Muri 2021 yari yagiye mu Busuwisi mu igeragezwa mu ikipe ya Neuchatel Xamax yo mu cyiciro cya kabiri ariko riza kumutsinda agaruka muri APR FC.
Ku wa 26 Mutarama 2023 ni bwo Sandvikens IF yatangaje Byiringiro Lague nk’umukinnyi wayo mushya mu myaka ine iri imbere, aguzwe agera ku bihumbi 80€ ashobora kwiyongera bitewe n’uburyo azitwara.
Yagombaga kwerekeza muri Suède nyuma y’iminsi atatu akinnye umukino w’Umunsi wa 19 wa Shampiyona APR FC yatsinzwemo na Rayon Sports igitego 1-0.
Sandvikens IF yamuguze isanzwe ibarizwamo undi Munyarwanda, Mukunzi Yannick wayigezemo mu 2019.
