Basketball: Espoir BBC yatangiye imikino yo kwishyura ya Shampiyona itsinda


image_pdfimage_print

Mu mpera z’Icyumweru gishize, hatangiye imikino yo kwishyura ya Shampiyona ya Basketball 2023.

Kuri uyu munsi, amakipe arimo Espoir BBC na Kigali Titans BBC yitwaye neza, ndetse uyu musaruro unabazamura ku rutonde rwa Shampiyona.

Uku kuzamuka ku rutonde rwa Shampiyona zikaba zibikesha gutsinda imikino ibiri zakinnye.

N’ubwo aya yitwaye neza, Amakipe ya RP IPRC KIGALI na SHOOT 4 STARS zatsinzwe imikino yazo (2), bituma imara imikino 12 zitarabona intsinzi.

Mu mikino yakinwe mu mpera z’Icyumweru twaraye dusoje, ikipe ya Kigali Titans BBC ni yo yashinze amanota menshi mu mukino umwe ibizwi nka (Trois Chiffres).

Iyi yaje kwisasira Musanze BBC, ku manota 111 kuri 42.

Morman Deshaun Lamar ukinira Orion BBC, ni we watsinze amanota menshi mu mukino umwe (29), mu mukino batsinzemo RP IPRC Kigali BBC amanota 92 kuri 65.

Mu gihe Mpeti Elvis ukinira ikipe ya Shoot 4 Stars ni we wakoze Rebounds nyinshi (24), mu mukino batsinzwemo na Tigers amanota 77 kuri 63.

Urutonde rw’agateganyo rwa Shampiyona

1. Espoir BBC 23 PTS (Imaze gukina imikino 13)
2. Kigali TITANS BBC 23 PTS (Imaze gukina imikino 13)
3. REG BBC 21 PTS (Imaze gukina imikino 11)
4. Patriots BBC 20 PTS (Imaze gukina imikino 11)
5. APR BBC (Imaze gukina imikino 11)

Amakipe ari mu Mazi abira

11. RP IPRC Kigali BBC 12 PTS (Imaze gukina imikino 12)
12. RP IRPC Musanze BBC 11 PTS (Imaze gukina imikino 11)


Leave a Reply

Your email address will not be published. Required fields are marked *