Urwego rw’Igihugu rw’Ubugenzacyaha (RIB), rwasabye urubyiruko n’abandi bantu kwirinda kugwa mu cyaha cyo gukangisha gusebanya, hagamijwe kubona indonke cyangwa izindi nyungu izo arizo zose kuko gihanwa n’amategeko.
Umuvugizi w’uru rwego, Dr. Murangira Thierry avuga ko uru rwego rutazihanganira umuntu wese uzongera kugaragaraho iki cyaha.
Avuga ko iki cyaha gikurikiranwa mu buryo burinda amabanga y’uwashakaga gusebywa, ari nayo mpamvu RIB ikangurira uwahura n’iki kibazo kutazuyaza mu kuyegera.