Perezida Paul Kagame yayoboye Inama y’Abaminisitiri ya mbere y’umwaka wa 2024.
Iyi nama yateraniye muri Village Urugwiro ku Kacyiru, kuri uyu wa Kane, tariki ya 25 Mutarama 2024.
Ibiro by’Umukuru w’Igihugu byatangaje bibinyujije kuri X [Twitter] ko Perezida Kagame yayoboye iyi nama ariko ntibyigeze bikomoza ku ngingo zaganiriweho.
Today at Urugwiro Village, President Kagame chairs the first cabinet meeting of 2024. pic.twitter.com/UdaWFnUcj6
— Presidency | Rwanda (@UrugwiroVillage) January 25, 2024
Inama y’Abaminisitiri yateranye nyuma y’umunsi umwe hasojwe Inama y’Igihugu y’Umushyikirano yabaye ku wa 23-24 Mutarama 2024, yaganiriwemo ingingo zitandukanye zigamije gusigasira ubumwe n’ubudaheranwa bw’Abanyarwanda no guteza imbere igihugu.
Mu mpanuro yatangiye mu #Umushyikirano, Perezida Paul Kagame yasabye Abanyarwanda kuzirikana ko bavuye kure mu myaka 30 ishize bityo bikabaha umukoro wo gukora cyane kugira ngo barusheho kwiteza imbere.