Israel Mbonyicyambu uzwi nka Mbonyi mu ndirimbo zihimbaza Imana, agiye gukora Ibitaramo bizenguruka Umugabane w’Uburayi guhera muri Kamena.
Abinyujije ku Rrukuta rwe rwa Instagram, yashyize hanze Impapuro zamamaza ibi Bitaramo, aho icya mbere kizabera mu Mujyi wa Bruxelles mu Bubiligi tariki 11 Kamena 2023.
Mbonyi watumiwe na Team Production, azakora Ibitaramo bizenguruka Uburayi, gusa icya mbere kikazabera i Bruxelles.
Tariki 25 Ukuboza 2022, yakoze Igitaramo kimbaturamugabo yise “Icyambu Live Concert” cyabereye mu Mujyi wa Kigali muri BK Arena, Igitaramo cyamugize Umuhanzi wa mbere wujuje iyi nyubako.
Yaherukaga gukorera Ibitaramo mu bihugu bya Canada, Australia n’u Burundi.
