Mamelodi Sundowns yegukanye Irushanwa rya African Football League


image_pdfimage_print

Mamelodie Sundowns, Ikipe y’Umupira w’amaguru yo muri Afurika y’Epfo, yegukanye Igikombe cy’irushanwa rya African Football League itsinze Wydad Casablanca yo muri Maroke ibitego 2-0.

Ni ibitego yatsinze mu mikino wo kwishyura wabereye kuri Sitade isanzwe ikiniraho ya kuri Loftus Versfeld Stadium, kuri iki Cyumweru tariki ya 12/11/2023.

Yegukanye iri rushanwa mu gihe umukino ubanza wabereye muri Maroke yari yawutsinzwe ibitego 2-1.

African Football League ni Irushanywa ny’Afurika ry’umupira w’amaguru ryateguwe ku bufatanye n’Ishyirahamwe ry’umupira w’amaguru muri Afurika CAF.

Umukino urifungura, wakiniwe mu gihugu cya Tanzania mu Kwakira k’uyu Mwaka, uhuza Simba SC na Al Ahly yo mu Misiri.

Uyu mukino wakiniwe muri Afurika y’Epfo wari imbaturamugabo, kuko Wydad Casablanca yatangiye irinda itsinzi yari ifite, mu gihe Mamelodi yakinaga umukino wo gupfa no gukira.

  • Iby’ingenzi twamenya kuri uyu mukino

Umuzamu wa Mamelodi, Ronwin Williams yegukanye igikombe cy’uwahize abandi

Thapelo Maseko nawe wa Mamelodi ahembwa nk’uwatsinze ibitego byinshi.

Uretse ibi bihembo nyamukuru, abakinnyi ba Memelodi biganje mu ikipe y’irushanwa.

  • African Football League ni iki 

Ni irushanwa rihuza amakipe y’ibikomerezwa ku Mugabane w’Afurika, rikaba ryaremejwe nk’irushanwa rishya rigiye kwiyongera ku yandi ategurwa na CAF kuri uyu Mugabane.

Tariki ya 21 Ugushyingo 2021, nibwo Inama ya CAF yari yanitabiriwe na Perezida wa FIFA, Gianni Infatino, yarihaye Umugisha.

Ku ikubitiro, ryatangiranye amakipe 8 gusa aya ashobora kongerwa mu gihe icyo aricyo cyose.

Aya makipe agizwe na; Mamelodi Sundowns ( Afurika y’Epfo), Wydad AC ( Morocco), Esperance de Tunis (Tunisia) AL Ahly (Egypt), Petro de Luanda (Angola), Enyimba (Nigeria) Simba Sports Club (Tanzania) na TP Mazembe (DR Congo).

Aya makipe 8 yitabiriye iri rushanwa ku ikubitiro, yatoranyijwe hashingiwe ku bushongore n’ubukaka bwayaranze mu gihe cy’Imyaka 10 ishize.

  • Ibihembo

Ikipe yegukanye igikombe ihembwa 4,000 000$, iyaka kabiri igahembwa 3 000 000$.

Amakipe yaviriyemo muri 1/2, ahembwa 2000 000$, mu gihe ikipe zitabiriye zihabwa 1,000,000$ buri imwe.

Amafoto

 


Leave a Reply

Your email address will not be published. Required fields are marked *