Umuhanzi Jules Sentore ukora Injyana gakondo, agiye gutaramira Abanyarwanda ntetse n’abumva uru rurimi batuye mu gihugu cy’u Bubiligi.
Uyu muhanzi uri mu bafite ubuhanga mu kuririmba mu buryo bw’umwimerere akaririmba n’indirimbo zikunzwe n’urubyiruko abifatanyije n’umuziki gakondo. Ibi bimufasha gukundwa n’abakuru n’abato n’ingeri zinyuranye zikunda Umuziki w’umwimerere.
Abinyujije kuri Instagram ye, yashyize hanze ibijyanye no kwamamaza iki gitaramo giteganyijwe ku wa 04 Werurwe 2023.
Aho yararikiye abakunzi b’Umuziki kuzaza gutarama nawe.
Sentore yerekeje ku mu Bubiligi mu gihe n’ubundi yari akubutse ku Mugabane w’u Burayi, aho yataramiye ku wa 15 Ukwakira 2022, aho yishimiwe n’abakunzi ba Muzika gakondo.
