FIFPro 2021/22: Cristiano yagaragaye ku rutonde rw’abakinnyi 26 


image_pdfimage_print

Rutahizamu w’ikipe y’Igihugu ya Portugal na Al-Nassr yo mu gihugu cya Arabiya Sawudite, Cristiano Ronaldo yashyizwe ku rutonde rw’abakinnyi bitwaye neza mu mwaka w’imikino 2021/22, ruzwi nka FIFpro. Yagiye kuri uru rutonde hashingiwe ku musaruro yahaye Manchester United yakinagamo mbere yo kwerekeza ku Mugabane wa Aziya.

Yabikesheje gutsinda ibitego 24 mu mikino 39 yakiniye Manchester United mu mwaka w’imikino 2021/22, mu gihe atafatwaga nk’umukinnyi ngenderwaho ndetse yari anafitanye amakimbirane n’umutoza we Ten Hag.

Aya makimbirane, yanaje gushyira iherezo ku masezerano ye na Manchester United.

Uretse Cristiano, abarimo Erling Haaland, Kevin De Bruyne na Joao Cancelo bakira Manchester City nabo bagaragaye kuri uru rutonde. Gusa, Cancelo yerekeje muri Bayern Munchen.

Ni urutonde kandi runagaragaraho, Jude Bellingham ukinira Borussia Dortmund yo mu Budage n’ikipe y’Igihugu y’Ubwongereza.

Kugeza ubu, Lionel Messi niwe ufite amahirwe menshi yo kwegukana ibihembo bitandukanye uyu mwaka, nyuma yo kwegukana Igikombe cy’Isi n’ikipe y’Igihugu cye cya Argentine, batsinze Ubufaransa ku mukino wa nyuma kuri penaliti 4-2, nyuma y’uko amakipe yombi anaganyije ibitego 3-3 nyuma y’iminota 120 y’umukino.

Gusa, abatari bake mu bakunzi ba ruhago, ntabwo banejejwe no kuba Cristiano Ronaldo ari kuri uru rutonde, kuko bavuga ko ntacyo yakoze cyakamuhesheje kurubaho.

Ariko, bamwe mu bakunzi ba ruhago bagiye batanga ibitekerezo binyuranye, bavuga ko n’ubwo atakoze byinshi, ariko yesheje tumwe mu duhigo twa ruhago ku Isi, ibi byakabaye kimwe mu bimushyira kuri uru rutonde.

Urutonde rwa FIFPro y’Umwaka 2021-2022:

Goalkeepers (Abanyezamu)

Alisson Becker (Liverpool, Brazil)

Thibaut Courtois (Real Madrid, Belgium)

Emiliano Martinez (Aston Villa, Argentina)

Defenders (Ba myugariro)

Joao Cancelo (Manchester City/Bayern Munich, Portugal)

Alphonso Davies (Bayern Munich, Canada)

Virgil van Dijk (Liverpool, Netherlands)

Josko Gvardiol (RB Leipzig, Croatia)

Achraf Hakimi (Paris Saint-Germain, Morocco)

Theo Hernandez (AC Milan, France)

Antonio Rudiger (Chelsea/Real Madrid, Germany)

Thiago Silva (Chelsea, Brazil)

Midfielders (Abakina hagati mu Kibuga)

Jude Bellingham (Borussia Dortmund, England)

Casemiro (Real Madrid/Manchester United, Brazil)

Kevin de Bruyne (Manchester City, Belgium)

Enzo Fernandez (River Plate/Benfica/Chelsea, Argentina)

Gavi (Barcelona, Spain)

Luka Modric (Real Madrid, Spain)

Pedri (Barcelona, Spain)

Federico Valverde (Real Madrid, Uruguay)

Forwards (Ba rutahizamu)

Karim Benzema (Real Madrid, France)

Erling Haaland (Borussia Dortmund/Manchester City, Norway)

Robert Lewandowski (Bayern Munich/Barcelona, Poland)

Kylian Mbappe (Paris Saint-Germain, France)

Lionel Messi (Paris Saint-Germain, Argentina)

Neymar Jr (Paris Saint-Germain, Brazil)

Cristiano Ronaldo (Manchester United/Al Nassr, Portugal).


Leave a Reply

Your email address will not be published. Required fields are marked *