Kuri uyu wa Kane, Perezida Kagame yakiriye Pamela Coke-Hamilton, Umuyobozi Nshingwabikorwa w’Ikigo Mpuzamahanga cy’Ubucuruzi (ITC) n’itsinda ayoboye, baganira ku bucuruzi n’ishoramari, n’uruhare rwa Afurika mu guhindura isura y’ubucuruzi ku Isi.
ITC ni ikigo gifite inshingano zihuriweho n’umuryango mpuzamahanga w’ubucuruzi (WTO) n’umuryango w’abibumbye (UN) binyuze mu nama y’umuryango w’abibumbye ishinzwe ubucuruzi na Iterambere (UNCTAD). Gitera inkunga imishinga y’iterambere mu bihugu binyuranye.
