Nyuma y’Ibiza byibasiye abaturage ba tumwe mu Turere tw’Intara y’Uburengerazuba, Amajyaruguru n’Amajyepfo tariki ya 2 n’iya 3 Gicurasi 2023, Minisiteri y’Imicungire y’Ibiza, yatangaje ko hari gushakishwa ahantu heza hashobora gutuzwa Imiryango yagizweho ingaruka n’Ibiza.
Aha, niho Uruganda rukora Sima mu Rwanda ruzwi nka ‘Cimerwa’ rwongeye kugaragaza ko rufite ubushake mu gushyigikira Leta mu bikorwa binyuranye birimo no kubakira abagizweho ingaruka n’ibi Biza biherutse guhitana abantu 135 bikangiza amatungo n’ibintu bitari bike bifite agaciro karenga miliyari 130
Uru ruganda rukaba rwiyemeje gutanga imifuka ya Sima igera ku 2000 izifashishwa mu gihe ibikorwa byo kubakira abahekuwe n’ibi biza byaba byaba byatangiye
Twabibutsako nyuma y’ibi biza Ubuyobozi bw’ibihugu by’inshuti z’u Rwanda n’abantu ku giti cyabo bakomeje gutanga ubutumwa buhumuriza u Rwanda n’Abanyarwanda ku bwo kubura abantu barenga 130 n’iyangirika ry’ibikorwaremezo bitandukanye.
My thoughts and prayers go to the families of the more than 127 people who lost their lives and those left homeless by devastating landslides caused by heavy rains in #Rwanda's Southern,Western & Northern provinces. In full solidarity with the government and people of #Rwanda.
— Moussa Faki Mahamat (@AUC_MoussaFaki) May 3, 2023
