Abahanzi Mugisha Benjamin uzwi nka The Ben na murumuna we Rukundo Elijah uzwi nka Green-P bari mu gahinda ko gupfusha Umubyeyi wabo (Papa) azize uburwayi.
Umubyeyi w’aba bahanzi, Mbonimpa John wari ufite imyaka 65, yitabye Imana mu Ijoro ryo kuri uyu wa Gatanu tariki 18 Kanama 2023.
Amakuru agera kuri THEUPDATE, avuga ko yazize Uburwayi bwamufashe mu Cyumweru gishize.
Mugisha Benjamin uzwi nka The Ben, ari mu bana batandatu uyu mubyeyi yabyaranye na Esther Mbabazi.
Abandi bazwi bavukana na we, barimo Green-P wamamaye muri Tuff Gangz ndetse na Byiringiro Dan wagerageje kuririmba ariko we ntibimuhire cyane nk’aba bavandimwe be.
