Kuri iki Cyumweru mu Karere ka Huye mu Ntara y’Amajyepfo hasojwe Irushanwa ryo kwibuka Padiri Kayumba Emmanuel ryakinwaga ku nshuro ya 13.
Kuri iyi nshuro, Amakipe ya Forefront mu kiciro cy’abagore n’abagobo niyo yegukanye iki gikombe.
Mu kiciro cy’abagore, Forefront yatsinze Rwanda Revenue Authority amaseti 3-2 mu gihe mu bagabo yatsinze REG Volleyball Club amaseti 3-1.
Iri rushanwa ritegurwa na Groupe Scolaire Officiel de Butare (GSOB) Padiri Kayumba yabereye Umuyobozi kuva mu 1995 kugeza mu 2009, ryitabiriwe n’amakipe yo mu kiciro cya 1 n’icya 2 mu bagabo n’abagore, Amashuli yisumbuye ibyiciro byombi n’amakipe y’abakanyujijeho.
Ritegurwa mu rwego rwo kumuha Icyubahiro, by’umwihariko ku musanzu we gukuza Impano za Volleybaal, bikaba akarusho muri iri Shuli rya Groupe Scolaire Officiel de Butare (GSOB).
Mu uryo butari bwitezwe ariko bwagaragariraga amaso bitewe n’uburyo yari yashyize imbaraga muri iri rushanwa, Forefront yari iryitabiriye ku nshuro ya mbere yakanze abantu ubwo yaryegukana mu byiciro byombi, imaze gutsinda amakipe asanzwe arimenyereye.
Mu bagabo, nyuma yo kubazwa gutsinda Iseti ya mbere ku manota 26-24, Forefront yagarukanye imbaraga itsinda andi maseti 3 yakurikiyeho, ku manota 25-22,25-22, 25-19.
Mu kiciro cy’abagore ho yari amacumu acanye, kuko amakipe yombi yatandukanyijwe n’Iseti ya kamarampaka izwi nka Seoul. (25-23,24-26, 25-15,13-25, 16-14).
Final Wome: RRA 2-3 FOREFRONT
Rwanda police sponsored #FOREFRONT Women volleyball club crowded #MemorialKayumba2023 13th Edition winner after beating #RRA-WVC by 3 sets 2.
( 23-25,26-24,15-25,25-13,14-16)#RwandaVolleyball pic.twitter.com/9X6DDlrosb
— FRVB | RWANDA VOLLEYBALL (@Rw_Volleyball) March 5, 2023
|| Final MEN: REG 1-3 FOREFRONT ||
After their sisters, #FOREFRONT Men Volleyball club crowned #MemorialKayumba2023 too after securing a win of 3-1 against Rwanda Enegy group sponsored #REGVC.#Congratulations @Rwandapolice
(26-24,22-25,22-25,19-25) pic.twitter.com/fmOWigLs0i
— FRVB | RWANDA VOLLEYBALL (@Rw_Volleyball) March 5, 2023
Uretse kwegukana Igikombe, Forefront yanahembwe Amafaranga 500,000 y’u Rwanda nk’igihembo nyamukuru.
Uretse ku kiciro cya mbere (Serie A), mu kiciro cya kabiri (Serie B), Groupe Scolaire Saint Joseph y’i Kabgayi niyo yegukanye Igikombe imaze kwisasira Nyanza TSS amaseti 3-2.
Mu kiciro kibanza cy’Amashuli yisumbuye, Igikombe cyegukanywe na Groupe Scolaire Mugombwa itsinze Petit Seminaire Virgo Fidelis ku mukino wa nyuma, mu gihe mu bakanyujijeho, cyatwaye na Umucyo itsinze Toute Age amaseti 3-2.
Uko amakipe yakurikiranye:
